प्रेयसीच्या विरहात दारूच्या आहारी जाऊन २५ वर्षीय युवकाने उचलले टोकाचे पाऊल.. – इन्स्टाग्राम अकाउंटवर प्रेयसीचे गाणे लावत विषारी औषध प्राशन करून आत्महत्या…

बुलढाणा :-विवाहित युवकाचे एका युवतीसोबत प्रेमसंबंध जुळले.अशातच प्रेयसी घर सोडून गेल्याने प्रेयसीच्या विरहात दारूच्या आहारी जाऊन २५ वर्षीय युवकाने स्वतःच्या इन्स्टाग्राम अकाउंटवर प्रेयसीचे गाणे लावत विषारी औषध प्राशन करून आत्महत्या केल्याची घटना बुलढाणा जिल्ह्यातील सिंदखेडराजा तालुक्यातील वरदडी बुद्रुक येथे १९ मार्च रोजी घडली असून आज,शुक्रवार २१ मार्च रोजी सर्वत्र उघडकीस आली. समाधान लक्ष्मण आटोळे असे आत्महत्या केलेल्या युवकाचे नाव आहे.

समाधान आटोळे याचा दोन वर्षापूर्वी साक्षी नावाच्या युवती सोबत विवाह झाला होता.अशातच

मागील काही दिवसांपासून समाधानचे गावातीलच,(केशवशिवनी तालुका सिंदखेडराजा) येथील युवती सोबत प्रेमसंबंध जुळले.पत्नी व प्रेयसीसह समाधान आटोळे हा वेगळा राहू लागला.अशातच १३ मार्च रोजी संध्याकाळी प्रेयसी कुणालाही काहीही न सांगता घरातून अचानक निघून गेल्याने समाधान हा दारूच्या आहारी गेला.१९ मार्च रोजी दुपारी साडेतीन वाजता, केशवशिवनी दुसरबीड रस्त्यावर समाधान बेशुद्ध अवस्थेत दिसून आला.रुग्णवाहिका मालक राम दराडे यांनी त्याचे वडील लक्ष्मण आटोळे यांना ही माहिती दिली.वडील लक्ष्मण आटोळे व आई विजयामाला आटोळे यांनी सदर ठिकाणी जाऊन त्याला तात्काळ रुग्णवाहिकेने सिंदखेडराजा ग्रामीण रुग्णालयात दाखल केले.रुग्णालयातील डॉक्टरांनी त्याला मृत घोषित केले. आपल्या मुलाची प्रेयसी घरातून कोणालाही काही न सांगता निघून गेल्याने माझा मुलगा दारूच्या आहारी गेला आणि विरह सहन न झाल्याने विषारी औषध पिऊन त्याने आत्महत्या केली असे वडील लक्ष्मण आटोळे यांच्या तोंडी माहितीवरून किनगाव राजा पोलीस ठाण्यात तक्रार दाखल करण्यात आली.