अनुसुचित जमातीच्या उमेदवांराकरीता स्पर्धा पुर्व प्रशिक्षण.. – प्रशिक्षण कालावधीत एक हजार रुपये विद्यावेतन..

गडचिरोली :-आदिवासी उमेदवांराकरीता कौशल्य विकास,रोजगार व उद्योजकता माहीती व मार्गदर्शन केंद्र गडचिरोलीच्या वतीने जिल्ह्यातील अनुसुचित जमातीच्या उमेदवांराकरीता एमपीएससी(महाराष्ट्र लोकसेवा आयोग) पुर्व प्रशिक्षण,जिल्हा निवड समीतीच्या विविध पदभरतीबाबत तसेच आयबीपीएस,स्टाफ सिलेक्शन कमिशन(SSC) च्या परीक्षाबाबत स्पर्धा पुर्व प्रशिक्षण कार्यक्रम विनामुल्य राबविण्यात येत आहे.सदर प्रशिक्षण घेऊ इच्छिणाऱ्या उमेदवांराकडे शालांत परीक्षा उतीर्ण प्रमाणपत्र व रोजगार नोदंणी कार्ड (emlpoyment card) असणे आवश्यक आहे.प्रशिक्षणाचा कालावधी साडेतीन महीने आहे.प्रशिक्षणा दरम्यान एक हजार रुपये दरमहा विद्यावेतन दिले जाणार आहे.

प्रशिक्षण पुर्ण करणाऱ्या उमेदवांराना चार पुस्तकांचा संच व प्रमाणपत्र देण्यात येते.कार्यालयात अर्ज विनामुल्य उपलब्ध असून अर्ज उद्या १ मार्च पासुन २७ मार्च २०२५ या कार्यालयात सादर करावेत,मुलाखत २८ मार्च रोजी आदिवासी उमेदवांराकरीता कौशल्य विकास,रोजगार व उद्योजकता माहिती व मार्गदर्शन केंद्र,शासकीय संकुल बॅरेक क्र.२ गडचिरोली येथे घेण्यात येणार आहे. त्याकरीता उपस्थित राहावे. अधिक माहीतीसाठी ८४८५८१४४८८ (8485814488) या क्रमाकांवर संपर्क साधावा; असे आवाहन कौशल्य विकास रोजगार व उद्योजकता मार्गदर्शन अधिकाऱ्यांनी केले आहे.