लाडक्या बहिणींसाठी आनंदाची बातमी जानेवारी महिन्याचे पैसे ‘या’ तारखेपर्यंत येणार खात्यात..

उद्रेक न्युज वृत्त :-राज्यात महायुती सरकारसाठी लाडक्या बहिणी गेम चेंजर म्हणून ठरल्या.आतापर्यंत लाडक्या बहिणींच्या खात्यात ९ हजार रुपये जमा करण्यात आले आहेत.अशातच आता या महिन्यातील म्हणजे जानेवारी महिन्याचे पैसे केव्हा खात्यात येणार याकडे लाडक्या बहिणींच्या मनात उत्सुकता वाढली आहे.त्यानुसार महिला व बालविकास मंत्री अदिती तटकरे यांनी स्पष्ट केले की,२६ जानेवारीच्या पूर्वीच लाडक्या बहिणींच्या खात्यात पैसे जमा करण्यात येणार आहे.सध्या स्थितीत १५०० रुपये खात्यात जमा होणार असून फेब्रुवारी महिण्याचीही तरतूद करण्यात येणार असल्याचेही त्यांनी स्पष्ट केले.नवीन अर्थसंकल्प किंवा पुढच्या काळात २१०० रूपये देण्याचा प्रयत्न असेल असे त्या म्हणाल्या.विरोधकांनी यावर नेहमीच टीका केली आहे,जे वचन आम्ही दिले आहे ते पूर्ण करू, महिन्याला ३६९० कोटींची तरतूद केली आहे. फेब्रुवारीची तरतूदही करतोय.खंड न पडता दर महिन्याला लाडक्या बहिणींच्या खात्यात रक्कम जमा करण्यात येणार असल्याचा आम्ही प्रयत्न करीत आहोत असेही त्यांनी स्पष्ट केले आहे.