गडचिरोली जिल्ह्यात १ जानेवारी पासून रस्ता सुरक्षा अभियान

गडचिरोली :- ‘रस्ता सुरक्षा अभियान २०२५’ दिनांक- १ जानेवारी ते ३१ जानेवारी २०२५ या कालावधीत राबविण्यात येत आहे.सदर अभियानाचा औपचारीक उद्घाटन कार्यक्रम काल,गुरुवारी २ जानेवारीला उप प्रादेशिक परिवहन कार्यालय गडचिरोली येथे उप प्रादेशिक परिवहन अधिकारी गडचिरोली किरण मोरे, यांचे मार्गदर्शनाखाली तर सहा.प्रादेशिक परिवहन अधिकारी अशोक जाधव यांचे देखरेखी खाली घेण्यात आला.सदर उद्घाटन कार्यक्रमाकरीता अध्यक्ष सुर्यकांत पिदूरकर,मुख्याधिकारी नगर परिषद गडचिरोली हे होते.प्रमुख पाहुणे म्हणून विभाग नियंत्रक अशोककुमार वाडीभस्मे,पोलीस विभाग, वाहतुक शाखा,गडचिरोली शरद मेश्राम,ॲडीशनल सिव्हिल सर्जन,डॉ.मनिष मेश्राम,कनिष्ठ अभियंता, सार्वजनिक बांधकाम विभाग गडचिरोली रुपाली काळे उपस्थित होते.कार्यक्रम यशस्वीतेकरीता मोटार वाहन निरिक्षक दिघावकर, के.के.शिंदे,वाय.आर.मोडक,जी.आर.धुर्वे तसेच सहा.मोटार वाहन निरीक्षक आय.आर.मदने, ओ.पी.मेश्राम,पी.डी.येवले,के.एस.पारखी, श्रीमती आर.व्ही कांबळे,जी.आर.सिंह यांनी परिश्रम घेतले.कार्यक्रमाचे प्रास्ताविक अशोक जाधव, सहा.प्रादेशिक परिवहन अधिकारी यांनी केले तर सुत्रसंचालन हर्षल बदखल यांनी केले तर आभार प्रदर्शन आर.व्ही.कांबळे यांनी केले.