सिरोंचा येथे शिक्षक क्षमता वृद्धी प्रशिक्षणाचा तिसरा टप्पा संपन्न..

गडचिरोली :-जिल्ह्याच्या सिरोंचा शहरातील मॉडेल इंग्लिश मीडियम विद्यालय या ठिकाणी शिक्षक क्षमता वृद्धी प्रशिक्षणाचा तिसरा टप्पा नुकताच संपन्न झाला.

शिक्षण क्षेत्रात सातत्याने बदल होत असताना, शिक्षकांचे ज्ञान आणि कौशल्य अद्ययावत ठेवणे आवश्यक आहे.याच पार्श्वभूमीवर शिक्षक क्षमता वृद्धी प्रशिक्षण हा एक महत्त्वाचा उपक्रम ठरतो.शिक्षकांना अध्यापन कौशल्ये सुधारण्यासाठी नवे तंत्रज्ञान, आधुनिक अध्यापन पद्धती आणि विद्यार्थ्यांसोबत संवाद कौशल्य विकसित करण्यासाठी सदर प्रशिक्षण दिले जाते.राष्ट्रीय शिक्षण धोरण (NEP २०२०) अंतर्गत शिक्षकांना डिजिटल शिक्षण,समावेशक शिक्षण आणि नवोपक्रमाधारित अध्यापन यासारख्या विषयांवर प्रशिक्षण दिले जात आहे.या प्रशिक्षणामुळे शिक्षकांना अध्यापन कौशल्यात वाढ होऊन शिक्षणाची गुणवत्ता सुधारते.विद्यार्थी सहभागी होण्याची प्रक्रिया अधिक प्रभावी बनते.तांत्रिक साधनांचा उपयोग करून शिक्षण अधिक सुलभ आणि प्रभावी होते.त्यामुळे शिक्षकांचा आत्मविश्वास आणि कार्यक्षमता वाढते.

प्रसंगी नीलकंठम दोन्थुला गट शिक्षण अधिकारी सिरोंचा यांनी म्हटले की,शिक्षक क्षमता वृद्धी प्रशिक्षण हा शिक्षणाच्या गुणवत्तेसाठी एक महत्त्वाचा टप्पा आहे.यामुळे केवळ शिक्षकांचे कौशल्य विकसित होत नाही,तर विद्यार्थ्यांना सुद्धा उत्कृष्ट आणि समृद्ध शिक्षण मिळते.त्यामुळे,अशा प्रशिक्षण कार्यक्रमांचे अधिकाधिक आयोजन होणे गरजेचे आहे.तसेच  शेषराव नागमोती आकांक्षित तालुका समन्वयक पंचायत समिती सिरोंचा यांनी प्रशिक्षणात असलेल्या शिक्षकांना आकांक्षीत तालुका कार्यक्रमात समाविष्ट असलेल्या शिक्षण विभागाचे निर्देशांकाबद्दल माहिती दिली आणि निर्देशांक ध्येयपूर्तीसाठी प्रात्यक्षिक स्वरूपात एका खेळाच्या माध्यमातून प्रात्यक्षिक करून दाखविले.

सदर प्रशिक्षण प्रसंगी नीलकंठम गटशिक्षणाधिकारी पंचायत समिती सिरोंचा,राठोड गट समन्वयक गट साधन केंद्र,टेकूल शिक्षण विस्तार अधिकारी,शेषराव नागमोती आकांक्षीत तालुका समन्वयक पंचायत समिती सिरोंचा,मरसकोल्हे प्राचार्य जिल्हा परिषद हायस्कूल सिरोंचा,मंजुळा बंदेला नेसकाम फाउंडेशन प्रतिनिधी तथा विविध मान्यवर उपस्थित होते.