सव्वा महिन्याच्या चिमुकलीचे मातृछत्र हरपले.. – नैराश्यातून आईची आत्महत्या..

नागपूर :-सव्वा महिन्याची चिमुकली आपले दूध पित नसल्याने आईने नैराश्यातून आत्महत्या केल्याची घटना हुडकेश्वर पोलीस ठाण्याच्या हद्दीत सर्वश्रीनगर येथे घडली.भाग्यश्री राजेश वानखेडे वय २४ वर्षे असे  मृत महिलेचे नाव आहे.माहितीनुसार,भाग्यश्रीचे पती राजेश कुशनचे काम करतात.चार वर्षांपूर्वी दोघांचे लग्न झाले.कुटुंब सर्वश्रीनगर येथील एका भाड्याच्या घरात राहतात.अलीकडे त्यांना मुलगी झाल्याने आनंदाचे वातावरण होते.मात्र,चिमुकलीने अचानक दूध पिणे बंद केल्याने भाग्यश्री चिंतेत होती.गोंडस मुलगी अंगावरचे दूध पित नाही,अशी तक्रार तिने पतीकडे केली. औषधोपचारानंतर सर्व काही ठीक होईल,असे म्हणून पतीने तिची समजूत घातली.परंतु मुलगी दूध पित नसल्याने कुंदावरील मानसिक तणाव वाढत गेला. तिच्यावरील तणाव वाढताना पाहून पतीने तिला मोठ्या बहिणीकडे जाण्याचा सल्ला दिला.पतीने तिला काही दिवस लाखांदूर येथील मोठ्या बहिणीकडे देखील पाठवले.मात्र त्याचा फार उपयोग झाला नाही. नुकतीच घरी परत आल्यानंतर तिने विष प्राशन केले. खाजगी रुग्णालयात उपचारासाठी भरती केले मात्र तिचा मृत्यू झाला.सव्वा महिन्याच्या चिमुकलीचे मातृछत्र हरपल्याने सर्वत्र हळहळ व्यक्त केल्या जात आहे.