शेतकऱ्यांसाठी आनंदाची बातमी..! आता ‘नमो शेतकरी सन्मान निधी’ योजनेचे २ हजार येणार खात्यात..

उद्रेक न्युज वृत्त :-पीएम किसान योजनेप्रमाणेच महाराष्ट्र राज्याकडून ‘नमो शेतकरी सन्मान निधी’ योजनेतंर्गत पात्र लाभार्थी शेतकऱ्यांच्या खात्यात वार्षिक ६ हजार रुपये जमा करण्यात येतात.आतापर्यंत शेतकऱ्यांच्या खात्यात नमो शेतकरी सन्मान निधी योजनेच्या माध्यमातून एकूण सहा हप्ते वितरीत करण्यात आले असून सातव्या हप्त्याची रक्कम केव्हा जमा होणार,याकडे सर्वांच्या नजरा लागलेल्या आहेत. अश्यातच आता राज्यातील नमो शेतकरी सन्मान निधी योजनेच्या सातव्या हप्त्याची वाट पाहणाऱ्या शेतकऱ्यांची प्रतिक्षा संपली आहे.नमो शेतकरी सन्मान निधी योजनेच्या सातव्या हप्त्याच्या वितरणासाठी राज्य शासनाने १९३२.७२ कोटी रुपयांचा निधी वितरित करण्यास मंजुरी दिली असून राज्य सरकारने या संदर्भात शासन निर्णय प्रसिद्ध केला आहे.त्यामुळे शेतकऱ्यांना सातवा हप्ता मिळण्याचा मार्ग मोकळा झाला आहे.सध्या मंजूर झालेला सातवा हप्ता हा एप्रिल २०२५ ते जुलै २०२५ या कालावधीसाठी आहे.यापूर्वी नमो शेतकरी सन्मान निधी योजनेच्या सहाव्या हप्त्याचे २ हजार रुपये ३१ मार्च २०२५ रोजी राज्यातील शेतकरी बांधवांच्या खात्यात थेट लाभ हस्तांतरणाद्वारे(डीबीटी)जमा करण्यात आले होते.