उद्रेक न्युज वृत्त
देसाईगंज(गडचिरोली) :- देसाईगंज तालुक्याच्या मौजा शंकरपूर येथे दिवाळी पाडव्याचे औचित्य साधून गावातील गोवारी समाजाच्या वतीने दरवर्षी प्रमाणे या वर्षी सुद्धा गाय-गोधन आणि ढाल पूजन उत्सव मोठ्या थाटात साजरा करण्यात आला.
शंकरपूर गावामध्ये गोवारी समाजाच्या बांधवांची लोकसंख्या जास्त आहे.दरवर्षी रीतीरिवाजाप्रमाणे गाय गोधन व ढाल पूजन करून उत्सव साजरा करतात.प्राचीन काळापासून गोवारी समाजाचा मुख्य व्यवसाय हा गायी,ढोरे चारने असून चराइसाठी जंगल परिसरात गायी,ढोरे नेले असता त्यांचे संरक्षण व्हावे; या करिता वाघोबा देवाची आणि नागोबा देवाची पुजा करण्याची परंपरा आजही कायम आहे.ही ३०० वर्षाची परंपरा शंकरपूर येथील नागरिक आजही पार पाडीत आहेत.उत्सवा निमित्त विविध प्रकारचे सांस्कृतिक कार्यक्रम आयोजित करण्यात आले.
कार्यक्रमाप्रसंगी प्रामुख्याने आरमोरी विधानसभा क्षेत्राचे आमदार कृष्णा गजबे,भाग्यवान खोब्रागडे, परसराम टिकले,ज्ञानदेव परशुरामकर,रामदासमसराम, गोपाल उइके व गावातील गोवारी समाज बांधव मोठ्या संख्येने उपस्थित होते.सदर कार्यक्रमाच्या यशस्वीतेकरीता विनायक वाघाडे,जगदीश शेंदरे,अमृत ठाकरे,प्रल्हाद वाघाडे आणि समाज बांधवांनी परिश्रम घेतले.
