राज्य मंत्रिमंडळाच्या बैठकीत सहा मोठे निर्णय.. – आता कृत्रिम वाळू धोरणास मंजुरी…

मुंबई :-राज्याचे मुख्यमंत्री देवेंद्र फडणवीस, उपमुख्यमंत्री अजित पवार तसेच मंत्रिमंडळाच्या कॅबिनेटचे सदस्यगण यांच्या उपस्थितीत आज,मंगळवार १३ मे रोजी राज्य मंत्रिमंडळाची बैठक पार पडली.बैठकीत ६ महत्वाचे निर्णय घेण्यात आले.आता कृत्रिम वाळू (एम-सँड) धोरणास मंजुरी देण्यात आली असून राज्यातील प्रत्येक जिल्ह्यात ५० युनिट स्थापन करण्यात येणार आहेत.त्याचप्रमाणे राज्यात फिरते पथक योजना सुरू करण्यास मंत्रिमंडळाने मान्यता दिली आहे.रस्त्यावर राहणाऱ्या किंवा भटकंती करणाऱ्या बालकांच्या सर्वांगिण विकासासाठी हे फिरते पथक कार्यरत असणार आहेत.तर,राज्य वेतनत्रुटी निवारण समितीचा अहवाल देखील आज मंत्रिमंडळासमोर सादर करण्यात आला आहे.