रस्त्याच्या कामावरील ३ ट्रॅक्टर सहित जेसिबीची नक्षल्यांनी केली जाळपोळ

उद्रेक न्युज वृत्त 

गडचिरोली :- रस्त्याच्या कामावरील ३ ट्रॅक्टर सहित एका जेसिबीची नक्षल्यांनी जाळपोळ केली असल्याची घटना आज २० डिसेंबर रोजी सकाळी उघडकीस आली आहे.मागील काही दिवसांपासून भामरागड तालुक्यातील हिदूर-पोयरकोटी रस्त्याचे काम सुरू असून काल,मंगळवारी संध्याकाळी काम आटोपल्यानंतर वाहन चालकांनी ट्रॅक्टर आणि जेसीबी हिदूर गावानजीक रस्त्याच्या कडेला उभी केली होती.रात्रीच्या सुमारास  नक्षलवाध्यांनी डीझेल ओतून जेसीबी आणि तीन ट्रॅक्टरला आग लावली.आज (बुधवार) सकाळी जाळपोळीची घटना नागरिकांच्या लक्षात आली.घटनास्थळी नक्षल्यांची पत्रके असून,बिहार,झारखंड व उत्तर प्रदेशातील प्रतिक्रांतीवादी हल्ल्यांच्या विरोधात २२ डिसेंबरला भारत बंदचे आवाहन केले आहे.