मोठी बातमी; जंगली हत्तीने वन कर्मचाऱ्यास केले ठार-वडसा वनविभागाच्या डोंगरगांव-पळसगाव नजिकची घटना….

उद्रेक न्युज वृत्त 

संपादक/सत्यवान रामटेके 

देसाईगंज(गडचिरोली):-वडसा(देसाईगंज) डोंगरगांव-पळसगाव जंगल परिसरा नजिक आज १६ सप्टेंबर २०२३ रोजी ४ वाजेच्या सुमारास जंगली हत्तीने सुधाकर बाबुराव आत्राम वय अंदाजे ४५ वर्षे नामक वन कर्मचाऱ्यास ठार केल्याची घटना उघडकीस आल्याने वनविभाग तसेच परिसरात एकच धांदल उडाली आहे.

जंगली हत्तीने ठार केलेले आत्राम हे वन विभागात वाहन चालक पदावर कार्यरत असून सुरुवातीला जंगली हत्तीने आत्राम यांना सोंडेने उचलून व नंतर पायाने तुडून मारल्याची माहिती समोर आली आहे.