मोठी बातमी अखेर नागपूर हिंसाचारातील मुख्य आरोपीच्या घरावर चालला बुलडोझर..

नागपूर :-राज्याचे मुख्यमंत्री तथा गृहमंत्री देवेंद्र फडणवीस यांनी नुकतीच शनिवारी २२ मार्चला नागपुरात पत्रकार परिषद घेत १७ मार्चला

औरंगजेबाच्या कबरीवरुन शहरात झालेल्या  दंगलीबाबत ॲक्शन मोडवर येत दंगलीत झालेले नुकसान दंगेखोरांकडून वसूल केले जाईल,दंगेखोरांनी पैसे भरले नाहीत तर त्यांची प्रॉपर्टी विकली जाईल,तसेच दंगेखोरांना सरळ केले नाही तर त्यांना तशी सवय पडेल.त्यामुळे दंगेखोरांना धडा शिकवणे आवश्यक आहे.याप्रकरणी कुणालाही सोडणार नाही,असे फडणवीस म्हणाले होते.अशातच आता मोठी बातमी समोर आली आहे.नागपूर घटनेतील आरोपीचे घर आज,सोमवार २४ मार्चला पाडण्यात आले आहे.आरोपी फहीम खान,शमीम खानच्या नागपूर शहरातील संजयबाग कॉलनीतील घरात त्याने अनधिकृत बांधकाम केल्याचे समोर आले होते. त्यामुळे महानगरपालिका प्रशासनाने त्याला नोटीस बजावली होती.यानंतर अनधिकृत बांधकाम बुलडोझरने आज सोमवारी पाडण्यात आले.फहीम खानविरोधात देशद्रोहाचा गुन्हा दाखल करण्यात आला असून सध्या तो कोठडीत आहे. फहीम खानबाबत पोलिसांकडून चौकशी करण्यात येत असतांना त्याच्या घरात बांधकाम अनधिकृत असल्याची बाब समोर आली.त्यामुळे त्याच्या दुमजली घराबाबत महानगरपालिकेने त्याला तात्काळ नोटीस बजावली.२४ तासांच्या आत नागरी मुदतीत कथित बेकायदेशीर बांधकाम हटवले नाही तर बुलडोझरने कारवाई केली जाणार,अशी नोटीस देण्यात आली होती.मुख्यमंत्री देवेंद्र फडणवीस यांनी कायद्याने परवानगी दिली तर बुलडोझर चालवले जातील असे वक्तव्य केल्यानंतर दोन दिवसांनी सदरची कारवाई करण्यात आली आहे.