मैं झुकेगा नहीं…! ‘मैं फायर नहीं,वाईल्ड फायर है..!’ पुष्पा भाऊच्या ‘पुष्पा-२’ चित्रपटाची स्टाईलच लय भारी.. – थिएटरमध्ये पहिल्या दिवशी जगभरात २९४ कोटींची कमाई..

उद्रेक न्युज वृत्त :-बहुचर्चित लाल चंदनाची तस्करी करणाऱ्या ‘पुष्पा’ भाऊची पहिल्या चित्रपटातील लव्हस्टोरी आणि जबरदस्त ॲक्टिंगने साऱ्या चित्रपट प्रेमींना घायाळ करून सोडले होते.पहिल्या ‘पुष्पा’ चित्रपटातील कथानक बघता ‘पुष्पा -२’ चित्रपट निघणारच व केव्हा निघणार? याची सर्वचजण आतुरतेने वाट बघत होते.अशातच नुकताच ‘पुष्पा -२’ चित्रपट प्रेक्षकांच्या भेटीला आला असून सुकुमार यांच्या दिग्दर्शनाखाली बनलेला ‘पुष्पा-२’ तामिळ,तेलुगु,मल्याळम,कन्नड आणि हिंदी या ५ भाषांमध्ये रिलीज झाला आहे.अल्लू अर्जुन पुन्हा एकदा या चित्रपटात पुष्पराजच्या भूमिकेत आहे.रश्मिका मंदान्नाही श्रीवल्लीच्या अवतारात दिसत आहे.चित्रपटाची कथा जबरदस्त आहे आणि क्लायमॅक्स आणखीनच प्रेक्षणीय आहे.त्यामुळे प्रेक्षकांना हा चित्रपट खूप आवडला आहे.

‘पुष्पा-२’ मधील एक डायलॉग खूप फेमस होऊ लागला आहे. ‘मैं फायर नहीं,वाईल्ड फायर है..!’

थिएटरमध्ये रिलीज झाल्यानंतर पुष्पा-२ गुगलवर ट्रेंड करीत आहे.अल्लू अर्जुनचा ‘पुष्पा-२’ हा चित्रपट बऱ्याच दिवसांपासून चर्चेत आहे.त्यामुळे हा चित्रपट प्रदर्शित होताच गुगलवर ट्रेंड करीत आहे.