भाजीपाला व चिकनचा दुकान जळून खाक; चिमुकल्याचे पाय भाजले..

गडचिरोली :-जिल्ह्याच्या अहेरी तालुक्यातील जिमलगट्टा येथील संतोष मुत्यालू काबडे यांच्या घरासमोरील शेडला भीषण आग लागून क्षणांतच आगीने रौद्ररूप धारण करून आगीत त्यांचे भाजीपाला व चिकनचे दुकान जळून खाक झाले.नागरिकांनी घटनास्थळी धाव घेत आग विझविण्याचा प्रयत्न केला, मात्र तोपर्यंत दुकानातील सर्व साहित्य नेस्तनाबुत झाले होते.दुकानास आग लागली त्यावेळेस संतोष काबडे यांचा लहान मुलगा दुकानातच असल्याने आगीमुळे त्याचे पाय भाजले.त्याला तात्काळ रुग्णालयात दाखल करून उपचार करण्यात आले.काल रविवारी संतोष काबडे हे दुकानात असतांनाच दुकानातून अचानकपणे धूर निघू लागला.धूर निघत असतांनाच नागरिकांनी  घटनास्थळी धाव घेत आग आटोक्यात आणण्यासाठी प्रयत्न केला. पण,आगीने भडका घेतला.लागलीच गावकऱ्यांनी पोलीस प्रशासनास माहिती दिली.तोपर्यंत लाखो रुपयांचे नुकसान झाले होते.