भाजपाच्या गडचिरोली जिल्हा सचिव पदी सचिन वानखेडे यांची नियुक्ती..

गडचिरोली :-अनेकजण वैयक्तिक स्वार्थासाठी, तिकिटासाठी पक्ष बदलतांना दिसून येतात.मात्र,यांस अपवाद आणि पक्षाने दिलेली जबाबदारी व पक्षाने दिलेले कार्य निस्वार्थपणे पार पाडून पक्षाशी एकनिष्ठ असणारे सचिन वानखेडे यांची भारतीय जनता पार्टीच्या गडचिरोली जिल्हा सचिव पदी नियुक्ती करण्यात आली आहे.सदरची नियुक्ती ही प्रदेश संघटन मंत्री डॉ.उपेंद्र कोठेकर यांच्या आदेशान्वये करण्यात आली असून याबाबत भाजपाचे गडचिरोली जिल्हाध्यक्ष रमेश बारसागडे यांनी २९ जानेवारी रोजी दिलेल्या पत्रकाद्वारे कळविले आहे.सचिन वानखेडे यांनी भारतीय जनता पार्टीच्या गडचिरोली जिल्हा सचिव पदाचा पदभार स्वीकारून पक्षाचे विचार आणि धोरण जनमानसामध्ये पोहचवण्यास सहकार्य कराल,तसेच संघटन अधिक बळकट करण्यासाठी आपले योगदान देणार असल्याची आम्हाला पूर्ण खात्री असून पुढील वाटचालीस खूप खूप शुभेच्छा..! असे दिलेल्या पत्रकात नमूद करण्यात आले आहे.

सचिन वानखेडे यांची भारतीय जनता पार्टीच्या गडचिरोली जिल्हा सचिव पदी नियुक्ती झाल्याबद्दल माजी आमदार कृष्णा गजबे,जिल्हाध्यक्ष रमेश बारसागडे, किसन नागदेवे,मोतीलाल कुकरेजा, आकाश अग्रवाल जिल्हा उद्योग आघाडी,जिल्हा महामंत्री सदानंद कुथे, भरत जोशी,देसाईगंज नगरपरिषद उपाध्यक्ष नरेश विठ्ठलानी,देसाईगंज ग्रामीणचे तालुकाध्यक्ष सुनील पारधी,राजूभाऊ जेठाणी यांचेसह पदाधिकारी तथा कार्यकर्त्यांनी शुभेच्छांचा वर्षाव करत पुढील वाटचालीस शुभेच्छा दिल्या आहेत.