बोलेरो आणि खासगी बसचा अपघात; तब्बल १० जणांचा मृत्यू तर १९ जण जखमी..

उद्रेक न्युज वृत्त :-प्रयागराजच्या महाकुंभात पवित्र स्नान करण्यासाठी जाणाऱ्या बोलेरो वाहनाची खासगी बसला सामोरा-समोर धडक होऊन तब्बल १० जणांचा मृत्यू झाला तर १९ जण जखमी झाल्याची घटना मध्यरात्री घडली.सदरचा अपघात प्रयागराज-मिर्झापूर महामार्गावरील मेजा परिसरामध्ये झाला.खासगी बस महाकुंभवरून भाविकांना घेऊन मिर्झापूरकडे येत होती.ही धडक इतकी भीषण होती की पोलिसांना मृतदेह बाहेर काढतांना गॅस कटरची मदत घ्यावी लागली.अपघात रात्री २ च्या सुमारास घडला.अनेकांच्या शरीराच्या चिंधड्या झाल्या होत्या. ही धडक इतकी भीषण होती की बोलेरोचा पुढचा भाग तुटला.भाविक रस्त्यावर फेकले गेले.अनेक मृतदेहांचे हात तुटले होते आणि काहींचे डोके फुटले होते. बोलेरोमधून मृतदेह बाहेर काढण्यासाठी ३ तास लागले.बॅगेत सापडलेल्या आधार कार्डवरून दोन मृतदेहांची ओळख पटली.ईश्वरी प्रसाद जयस्वाल आणि सोमनाथ दरिन अशी त्यांची नावे आहेत,ते छत्तीसगडमधील जमनीपाली कोरबा येथील रहिवासी आहेत.उर्वरित लोकांची ओळख पटवण्याचे काम सुरू आहे.बोलेरोमध्ये प्रवास करणारे सर्व भाविक महाकुंभात स्नान करण्यासाठी कोरबाहून प्रयागराजला येत असल्याचे सांगण्यात येत आहे.तर बस भाविकांना घेऊन मिर्झापूरकडे जात होती.मेजा पोलीस स्टेशन परिसरातील मनुका पुरा पेट्रोल पंपासमोर बोलेरो आणि बसमध्ये समोरासमोर धडक झाली.दरम्यान,बोलेरो चालकाला डुलकी आल्याने अपघात घडल्याची प्राथमिक माहिती समोर आली आहे.