बॉम्बसदृश्य वस्तू आढळून आल्याने नागपूरकरांची उडाली धांदल..

नागपूर :-ऐन विधानसभा निवडणुकांच्या पार्श्वभूमीवर नागपुरात आज दुपारच्या सुमारास बॉम्बसदृश्य वस्तू आढळून आल्याने नागपूरकरांची एकच धांदल उडाली.नागरिकांच्या सदर बाब लक्षात येताच त्यांनी तातडीने याबाबत पोलिसांना माहिती दिली.सदरची घटना नागपुरातील अमरावती रोडवरील वाडी राजीव नगर परिसरात आज,बुधवार दिनांक-२३ ऑक्टोंबरला दुपारच्या सुमारास एक वायरिंग जोडलेली एकाच रंगाच्या जोड्याच्या डब्यामध्ये ही बॉम्ब सदृश्य वस्तू होती. नागरिकांना ही बाब लक्षात येताच पोलिसांना पाचारण करण्यात आले.शहर,ग्रामीण पोलीस पथक यासोबतच बीडीएसची चमू तातडीने घटनास्थळी दाखल झाली. हिंगना राजीव नगर येथून ही बॉम्बसदृश्य वस्तू घेऊन बॉम्ब शोधक नाशक पथक अमरावती मार्गाच्या दिशेने रवाना झाले.अर्थातच ही वस्तू निकामी झाल्यानंतर फॉरेन्सिकच्या माध्यमातून यात नेमके काय घटक आहेत.त्याचा उलगडा होणार आहे.