देसाईगंज :-शॉपिंग कॉम्प्लेक्स मधील बंद असलेले गाळे सुशिक्षित बेरोजगारांना भाडेतत्त्वावर तात्काळ देण्यासंदर्भात देसाईगंज समाजवादी पक्षाचे तालुका महासचिव प्रीतम जनबंधु यांनी आज २० जानेवारी २०२३ रोजी नगरपरिषचे मुख्याधिकारी यांच्याकडे निवेदनाद्वारे मागणी केली आहे.
जनबंधु यांनी नगरपरिषदेचे मुख्याधिकारी यांना दिलेल्या निवेदनात म्हटले आहे की,देसाईगंज शहराच्या सर्व्हे नं.२२/८० येथील व्यावसायिक गाळ्यांसाठी ०.३६ हे. आर.जागेत नगर विकास ६ (३) योजने अंतर्गत सुशिक्षित बेरोजगारांच्या व्यावसायिक प्रयोजनार्थ गाळ्यांचे बांधकाम करुन सुशिक्षित बेरोजगारांना अटी व शर्थीच्या अधिन राहून भाडेतत्वावर गाळे देण्यासाठी तब्बल १७० च्या वर गाळ्यांचे बांधकाम करण्यात आले.मात्र नगर परिषदेशी करण्यात आलेल्या करारनाम्यातील अटी व शर्थींना हरताळ फासुन दुकान दुसरीकडे तर गोडाऊन नगर परिषदेच्या शापिंग काम्पलेक्स मध्ये करण्यात आले आहेत.
नियमानुसार एका व्यक्तीला एकच गाळे भाडेतत्वावर देणे बंधनकारक असताना एका व्यक्तीला एका पेक्षा जास्त गाळे देण्यात आले असुन देण्यात आलेल्या सदर दुकानदारांनी गाळ्यांची तोडफोड करून अटी व शर्थीचे उल्लंघन केले असल्याचे दिसून येत आहे. यामुळे जवळपास ५० सुशिक्षित बेरोजगारांच्या रोजगारावर पाणी फेरल्या गेले असल्याने गाळा दुस-याच्या नावे तर वहिवाट भलत्याचीच असल्याचे एकंदरीत स्थितीवरुन दिसुन येत असल्याने सदर प्रकरणाची योग्य चौकशी करावी व सध्या स्थितीत बंद असलेले सुशिक्षित बेरोजगार युवकांना वाटप करण्यात यावे अन्यथा समाजवादी पार्टी देसाईगंज तालुका तर्फे आंदोलन करण्याचा इशारा देण्यात आला आहे.
