पाच दिवस लोटूनही गळफास घेतलेल्या इसमाची ओळख पटेना…! – ओळख पटल्यास देसाईगंज पोलीस प्रशासनास कळविण्याचे आवाहन…

देसाईगंज(गडचिरोली):-देसाईगंज शहराच्या रेल्वे बोगदा कडील पूर्वेस ३ किलोमिटर अंतरावर वडेगाव मार्गे शेत शेतशिवारा लगत चिंचेच्या झाडाला एका अनोळखी वृध्द इसमाने सोमवार दिनांक-२१ ऑक्टोंबर रोजी दुपट्याच्या साह्याने गळफास घेऊन आत्महत्या केल्याची घटना दुपारी तीन वाजेच्या सुमारास उघडकीस आली होती.

सदर घटनेची माहिती मिळताच देसाईगंज पोलिस ठाण्याचे पोलिस निरिक्षक अजय जगताप,सहाय्यक पोलीस निरिक्षक संदिप आगरकर यांचेसह पोलीस विभागाचे कर्मचारी घटना स्थळावर दाखल होऊन घटनेचा पंचनामा करीत पोलीस ठाण्यात मर्ग दाखल केला.अशातच मर्ग दाखल होऊन पाच दिवसांचा कालावधी लोटला.मात्र,अद्यापही मृतक वृध्द इसमाची ओळख पटलेली नाही.

रंग सावळा,उंची ५ फुट केस पांढरे,अंगात लालसर रंगाचे टि शर्ट,रंगित लोअर घातलेला आहे.

पोलीस यंत्रणेच्या वतीने वृध्द इसमाचे छायाचित्र इतर पोलीस स्टेशनला पाठविण्यात आले असून ओळख पटल्यास देसाईगंज पोलीस प्रशासनास कळविण्याचे आवाहन ठाणेदार अजय जगताप यांनी केले आहे.