नशीब बलवत्तर..! काँग्रेस खासदारांच्या वाहनाचा दुसऱ्यांदा अपघात; कारचे मोठे नुकसान..

परतीच्या प्रवासावर असतांना काँग्रेसचे भंडारा-गोंदियाचे खासदार डॉ.प्रशांत पडोळे यांच्या फॉर्च्यूनर कारचा गुरुवार,११ सप्टेंबर २०२५ रोजी सकाळच्या सुमारास नागपूरच्या उमरेड बायपास मार्गावर भीषण अपघात झाला होता. अपघातात पडोळे यांच्यासह अन्य तिघेजण थोडक्यात बचावले.मात्र,पडोळे यांच्या वाहनाच्या समोरील भाग चक्काचूर होऊन मोठे नुकसान झाले होते.उपराष्ट्रपती पदाची निवडणूक दिल्ली येथे पार पडली होती. त्यासाठी खासदार पडोळे दिल्लीला गेले होते.दिल्लीहून नागपूरला ते विमानाने आले असता पडोळे यांना घेण्यासाठी एमएच ३६ एपी ९९११ क्रमांकाच्या कारने त्यांचे पीए यश पाटील,वाहन चालक राहुल गिऱ्हपुंजे व पडोळे यांचे मित्र गिरीश रहांगडाले असे तिघे नागपूरला गेले होते.पडोळे यांना घेऊन ते नागपूर-भंडारा या राष्ट्रीय महामार्गावरून भंडाऱ्याकडे निघाले असतांनाच नागपूरच्या उमरेड बायपास मार्गावर एका ट्रकने त्यांच्या कारला जोराची धडक दिली होती.यात चौघेही किरकोळ जखमी झाले होते.