रुग्णवाहिकेचा सायरन ऐकू येताच,रस्ता मोकळा करा; अन्यथा तुरुंगवारी..

उद्रेक न्युज वृत्त :-रुग्णवाहिकेला रस्ता देणे हे एक प्राधान्याचे काम आहे.जीव वाचवण्याला प्राधान्य देत, सरकारने या संदर्भात अत्यंत कठोर कायदे लागू केले आहेत.रुग्णवाहिका हे एक आपत्कालीन वाहन असून प्रत्येक सेकंद रुग्णासाठी महत्वाचा असतो.रस्त्यावर रुग्णवाहिकेचा सायरन ऐकू येताच,ताबडतोब गाडी बाजूला घेऊन रस्ता मोकळा करणे हे प्रत्येक चालकाचे नैतिक आणि कायदेशीर कर्तव्य आहे.लोक अनेकदा वाहतूक कोंडीचे निमित्त करतात,पण कायदा स्पष्ट आहे, आपत्कालीन सायरन वाजताच,इतर वाहनांनी वेग कमी करून रुग्णवाहिकेला मार्ग दिला पाहिजे.तुमची थोडीशी समज एका कुटुंबाचा जीव वाचवू शकते.मोटार वाहन कायद्याच्या कलम १९४-ई नुसार रुग्णवाहिकेचा मार्ग अडवणे हा एक गंभीर गुन्हा मानला जातो.जर तुम्ही जाणूनबुजून किंवा निष्काळजीपणे रुग्णवाहिकेला रस्ता दिला नाही,तर पहिल्या उल्लंघनासाठी तुम्हाला दहा हजार रुपयांपर्यंत दंड होऊ शकतो.दंडाव्यतिरिक्त,दोषी आढळल्यास तुम्हाला सहा महिन्यांपर्यंत तुरुंगवासाची शिक्षाही होऊ शकते.तुम्ही असे वारंवार करतांना आढळल्यास,प्रत्येक वेळी तुम्हाला मोठा दंड आणि कायदेशीर कारवाईला सामोरे जावे लागेल.