नक्षलवाद्यांकडून दोन नागरिकांची हत्या..

उद्रेक न्युज वृत्त :- नुकतीच गडचिरोली 

जिल्ह्याच्या भामरागड तालुका मुख्यालयापासून १२ किलोमिटर अंतरावर असलेल्या कियर गावातील माजी सभापती तथा उपसभापती यांची शनिवारी १ फेब्रुवारीच्या रात्री सशस्त्र बंदूकधारी नक्षल्यांनी पोलीस खबऱ्या असल्याच्या संशयावरून मारहाण करीत गळा दाबून हत्या केल्याची घटना ताजी असतांनाच आता छत्तीसगडच्या बिजापूर जिल्ह्यातील बुगदीचेरू गावातील दोन नागरिकांची हत्या केल्याचे उघडकीस आले आहे.नक्षलवाद्यांनी काल सोमवारच्या रात्री गावात जाऊन दोघांची हत्या केल्याने परिसरात भीतीचे वातावरण पसरले आहे. हत्या केलेल्यांमध्ये करम राजू आणि माडवी मुन्ना अशी हत्या करण्यात आलेल्या व्यक्तींची नावे आहेत.घटनेची माहिती मिळताच बिजापूर पोलिसांचे पथक घटनास्थळी दाखल झाले.पोलिसांनी दोन्ही मृतदेह ताब्यात घेत शवविच्छेदनासाठी रुग्णालयात पाठवले. या घटनेनंतर गावकऱ्यांमध्ये भीतीचे वातावरण आहे.यापूर्वीही नक्षलवाद्यांनी २६ जानेवारीला खबरी असल्याच्या संशयावरून भैरमगढ परिसरातील एका नागरिकाची हत्या केली होती.