उद्रेक न्युज वृत्त
संपादक/सत्यवान रामटेके
देसाईगंज :- तालुका विधी सेवा समिती देसाईगंज अंतर्गत खटला पूर्व प्रकरणे नियमित दिवाणी व फौजदारी प्रकरणांत वादी व प्रतिवादी यांच्यातील वाद समोपचाराने व सलोख्याने मिटविण्यासाठी आज ३० एप्रिल २०२३ रोजी दिवाणी व फौजदारी न्यायालय देसाईगंज येथे राष्ट्रीय लोक अदालतीचे आयोजन करण्यात आले होते.यामध्ये एकुण २७ प्रकरणांचा निपटारा करण्यात आला असून सदर संपूर्ण प्रकरणांमध्ये रक्कम रुपये ३०३३२७.४७ रुपयांची वसुली करण्यात आली आहे.
सदर राष्ट्रीय लोक अदालतीमध्ये खटलापुर्व ८ नियमित फौजदारी व दिवाणी खटला प्रकरणांमध्ये १९ मामले असे एकुण २७ प्रकरणे मिटवून यात एकुण ३०३३२७.४७/- रुपये वसूल करण्यात आले आहे.राष्ट्रीय लोक अदालतीला पॅनल प्रमुख म्हणून सी.पी.रघुवंशी दिवाणी न्यायाधीश (क.स्तर) तथा न्यायदंडाधिकारी प्र.श्रे.गडचिरोली पॅनल सदस्य म्हणून अधिवक्ता मंगेश शेंडे हे होते.
तसेच ॲड.संजय गुरु,ॲड.मंगेश शेंडे,ॲड बी.एम. बांबोळकर,ॲड.लाँगमार्च खोब्रागडे,ॲड.दत्ता पिलारे, ॲड.प्रमोद बुध्दे व अन्य सामाजिक कार्यकर्ते प्रामुख्याने उपस्थित होते.राष्ट्रीय लोक अदालतीचे आयोजन यशस्वी करण्यासाठी देसाईगंज न्यायालयातील वित्त आस्थापना विभागाचे सहाय्यक अधिक्षक ए.एल.आमटे,लघुलेखक व्ही.एस.महल्ले, वरिष्ठ लिपीक चेतन भुर्रे,कनिष्ट लिपीक प्रविण माटे, कनिष्ठ लिपीक नरेंद्र लोंढे,कनिष्ठ लिपीक श्रीमती एस. यु.गावंडे,कनिष्ठ लिपीक अजय कागदेलवार,कनिष्ठ लिपीक आर.आर.परसा,शिपाई पी.के.चालुरकर, शिपाई पुष्पा दासरवार,कारकुन प्रविण मेश्राम आदींनी अथक परिश्रम घेतले.
