दुचाकींची समोरासमोर धडक; दोन्ही दुचाकीवरील चालक हवेत उडाले.. – एकाचा मृत्यू तर एकजण गंभीर जखमी…

ब्रम्हपुरी(चंद्रपूर):-दोन दुचाकींच्या धडकेत एकाचा मृत्यू झाल्याची घटना शनिवारी सायंकाळी ६ वाजताच्या सुमारास ब्रम्हपुरी ते वडसा मार्गावरील स्वागत मंगल कार्यालयाजवळ घडली.शुभम मनोहर बनकर वय २७ वर्षे रा.पिंपळगाव (भोसले)असे मृतकाचे नाव आहे.

शुभम मनोहर बनकर हा शनिवारी सायंकाळी एमएच ३४ बीवाय ३९१३ क्रमांकाच्या आपल्या दुचाकीने सुसाट वेगाने ब्रह्मपुरी ते वडसा मार्गावरील स्वागत मंगल कार्यालयासमोरून जात होता.दरम्यान,विरुद्ध बाजूने येणाऱ्या  एमएच ३६ एडी २३९७ क्रमांकाच्या दुचाकीला समोरासमोर धडक बसली.धडक एवढी भिषण होती की दोन्ही दुचाकीवरील चालक हवेत दुर अंतरावर फेकल्या गेले.

दुसऱ्या मोटारसायकलवरील युवक प्रणय आत्माराम उरकुडे वय २१ वर्षे रा.अर्हेर नवरगाव हा गंभीर जखमी झाला असून त्याला आस्था हॉस्पिटल मध्ये उपचारासाठी भरती करण्यात आले आहे. यात शुभम बनकर याचा जागीच मृत्यू झाला.घटनेची माहिती मिळताच पोलिसांनी घटनास्थळ गाठून पंचनामा केला. पुढील तपास पोलिस करीत आहेत.