उद्रेक न्युज वृत्त
देसाईगंज :- दत्तोपंत ठेंगडी राष्ट्रीय श्रमिक शिक्षा एवं विकास बोर्ड,श्रम व रोजगार मंत्रालय भारत सरकार, क्षेत्रीय निर्देशालय नागपूरच्या वतीने आरमोरी तालुक्यातील जोगीसाखरा व देसाईगंज तालुक्यातील पिंपळगाव व विहीरगाव येथे श्रमिक महिलांसाठी, अल्पकालीन एकदिवशीय प्रशिक्षण घेण्यात आले. सदर प्रशिक्षनामध्ये श्रमिक महिलांना महिला शक्षमीकरण,डिजिटल देवाणघेवाण,ई श्रम कार्डचे महत्व व महिलांसाठी शासनाच्या विविध योजनांची माहिती क्षेत्रीय निर्देशालयाचे शिक्षण अधिकारी प्रमोद रत्नपारखी यांनी विविध विषयावर माहिती देऊन मार्गदर्शन केले.सदर प्रशिक्षण दरम्यान जोगीसाखरा ग्रामपंचायतीचे सरपंच संदीप ठाकूर,कार्यक्रमाचे आयोजक लतीफ शेख, पिंपळगावचे उपसरपंच उरकुडे,राजेश शंभरकर, ज्योतीताई घुटके,दोन्ही गावातील ग्रामपंचायत सदस्य व गावातील महिला वर्ग उपस्थित होत्या.
