चक्क बँकेच्या कर्मचाऱ्यांनीच बँकेला कोट्यवधी रुपयांचा लावला चुना.. – ऑडिट रिपोर्ट वरून आले लक्षात..

नागपूर :-नागपुरातील युनियन बँक ऑफ इंडियाच्या घाट रोड शाखेचे मुख्य व्यवस्थापक यांनी बँकेतील इंटर्नल ऑडिट रिपोर्ट व फ्रॉड मॉनिटरिंग रिपोर्टची पाहणी केली असता बँकेतील तब्बल १ कोटी ६५ लाख १७ हजार रुपयांची फसवणूक झाल्याचे लक्षात येताच पोलिसांत धाव घेतली.बँकेला चुना लावणारे दुसरे कुणीही नसून चक्क बँकेतील सहा कर्मचारी व एक बँकेचा सेवानिवृत्त व्यवस्थापक असल्याचे लक्षात येताच तक्रार दाखल करण्यात आली.तक्रारीवरून गणेशपेठ पोलिसांनी आरोपींविरुद्ध कलम ४०६, ४०९,४२०,३४ नुसार गुन्हा दाखल करून तपास सुरू केला आहे.नंदेश्वर कृष्णराव मंथापूरकर वय ६३ वर्षे,रा.सिल्व्हर पार्क नं.१,शंकरपूर असे आरोपी सेवानिवृत्त बँक व्यवस्थापकाचे नाव आहे.त्याच्या सोबत युनियन बँक ऑफ इंडियाच्या क्रेडिट कार्ड व कर्ज विभागात कार्यरत आरोपी विनीत ज्ञानेश्वर रोकडे वय ४४ वर्षे,रा.टेलिकॉम कॉलनी,अमरावती,हल्ली मुक्काम काळशेत रोड, पुणे,प्रशांत जगदीश उके वय४० वर्षे,रा.बँक कॉलनी,नारी रोड,नागपूर हल्ली मुक्काम साईनाथ कॉलनी,पांढुर्णा, मध्यप्रदेश),धिरज गजानन गजभिये वय ५४ वर्षे,रा.स्पर्श अपार्टमेंट,भगवाननगर रोड,अजनी,नागपूर,आशिष यशवंत जोगे वय ३९ वर्षे,रा.दयालु हाऊसिंग सोसायटी, जरीपटका, नागपूर,दत्ता वैजनाथ पांचाल,विमल यशवंत जोगे यांनी संगनमत करून क्रेडिट कार्डचा दुरुपयोग करून आपल्या आर्थिक फायद्यासाठी बँकेचे नुकसान करून १ कोटी ६५ लाख १७ हजारांनी फसवणूक केली.या प्रकरणी युनियन बँक ऑफ इंडियाच्या घाट रोड शाखेचे मुख्य व्यवस्थापक संदीप मोतीलाल कुमार वय ४० वर्षे,रा.गोदरेज आनंदम,गणेशपेठ,नागपूर यांनी तक्रार दाखल केल्याने गणेशपेठ पोलिसांनी आरोपींविरुद्ध गुन्हा दाखल करून तपास सुरू केला आहे.