गावातील संबंध बिघडण्याच्या भीतीने अंगणवाडी सेविकांची लाडक्या बहिणींची पडताळणी करण्यास असमर्थता.. – लाडकी बहिण योजनेतील पात्र लाभार्थी राहणार ‘जैसे थे’..

उद्रेक न्युज वृत्त :-राज्यातील लाडकी बहीण योजना महायुतीसाठी ‘लाडो’ ठरली.विशेष म्हणजे,लोकसभा निवडणुकीत धक्का लागताच गेम चेंजर म्हणून लाडकी बहीण योजना आणल्या गेल्याचे सुर उमटले आणि ते खरे ठरले.लाडकी बहीण योजना सुरू होताच योजनेंतर्गत सुमारे २ कोटी ६३ लाख लाख महिलांची नोंदणी झाली होती.प्राथमिक पडताळणीत १० ते १५ लाख अर्जदार अपात्र ठरले होते.त्यानंतर वेगवेगळ्या विभागांकडून त्यांच्याकडील लाभार्थ्यांची माहिती माविण्यात आली.यात तब्बल २६ लाख लाभार्थी महिलांना अन्य योजनांचा लाभ मिळत असल्याचे स्पष्ट झाले.त्यानुसार काही महिला पहिल्याच पडताळणीत बाद ठरल्या.आता पडताळणीसाठी संबंधित जिल्ह्याच्या जिल्हाधिकारी कार्यालयात याद्या पाठविण्यात आल्या आहेत.यादीतील नावांची चौकशी करून पडताळणीचे काम हे त्या-त्या गावातील अंगणवाडी सेविकांकडे सोपविण्यात येणार आहे. त्यातच गावातील संबंध बिघडू शकतात.कारण की, गावातील एखाद्या महिलेस योजनेचा लाभ न मिळाल्यास तुम्हीच आमचा लाभ बंद केल्या,अशी मनधारणा होत असल्याने संबंध बिघडण्याच्या भीतीने अंगणवाडी सेविकांनी लाडकी बहीण योजनेतील अपात्र लाभार्थींच्या पडताळणीचे काम करण्यास असमर्थता दर्शविली आहे.मुख्यमंत्री माझी लाडकी बहीण योजनेतील लाभार्थ्यांच्या फेरपडताळणीवरून राज्यात संभ्रमावस्था निर्माण झाली आहे.पण, राज्याच्या महिला व बालकल्याण मंत्री अदिती तटकरे यांनी ही फेरपडताळणी सुरू असली तरी पात्र लाभार्थी महिलांवर कोणताही अन्याय होणार नसल्याची ग्वाही दिली आहे.शासकीय सेवेत असतांनाही या योजनेचा लाभ घेतला जात असेल तर शासन त्याविषयी योग्य तो निर्णय घेईल.या प्रकरणी कुणालाही चुकीचा लाभ मिळू नये,यासाठी सरकार योग्य ती पाऊले उचलत आहे.त्यामुळे सर्वांनी अंगणवाडी सेविकांना पडताळणीसाठी सहकार्य करावे,असेही मंत्री अदिती तटकरे यांनी स्पष्ट केले.