गडचिरोली जिल्हा माहिती अधिकारी जाधव यांची बदली..

गडचिरोली :-गडचिरोलीचे जिल्हा माहिती अधिकारी गजानन जाधव यांची प्रशासकीय कारणास्तव नांदेड येथे बदली करण्यात आली असून आज,सोमवार ३ ऑगस्ट रोजी त्यांना गडचिरोली येथून कार्यमुक्त करण्यात आले. जाधव यांच्या जागी सध्या स्थायी जिल्हा माहिती अधिकाऱ्यांची नियुक्ती करण्यात आली नसल्याने चंद्रपूर जिल्हा माहिती अधिकारी कार्यालयाचे राजेश येसनकर हे अतिरिक्त स्वरूपात गडचिरोली येथील पदभार सांभाळणार आहेत.दरम्यान,आज जाता-जाता गजानन जाधव यांनी एक भावनिक पोस्ट केली आहे.त्यात, “गडचिरोलीमध्ये काम करण्याचा मला अविस्मरणीय अनुभव मिळाला. आपल्या सर्वांच्या मोलाच्या सहकार्यामुळे अनेक आव्हानांचा सामना करतांना आत्मविश्वासाने काम करता आले आणि शासनाच्या विकासाभिमुख उपक्रमांची सकारात्मक बाजू प्रभावीपणे मांडण्याचा प्रयत्न करता आला.या प्रवासात आपण दिलेले प्रेम, विश्वास आणि सहकार्य माझ्यासाठी कायम प्रेरणादायी राहील.शासनाच्या आदेशानुसार आता माझी बदली नांदेड येथे झाली आहे.गडचिरोलीच्या आठवणी आणि आपला स्नेह सदैव माझ्यासोबत राहील.मनःपूर्वक धन्यवाद! आपला स्नेह आणि शुभेच्छा कायम लाभत राहोत” असे जाधव यांनी म्हटले.