कोंढाळा शिवजन्मोत्सव समितीतर्फे भव्य अपघात विमा व बँक खाते नोंदणी शिबिराचे आयोजन..

कोंढाळा(गडचिरोली):-रयतेचे राजे श्री शिवछत्रपती शिवाजी महाराज यांच्या ३९६ व्या जयंती दिनाचे औचित्य साधून शिवजन्मोत्सव समिती कोंढाळाच्या वतीने गावात विविध उपक्रमांची रेलचेल सुरू आहे. शालेय विद्यार्थ्यांसाठी सामान्य ज्ञान स्पर्धा नुकतीच संपन्न झाली असून वेशभूषा स्पर्धा,रांगोळी स्पर्धा,वकृत्व स्पर्धा,सिंह गर्जना तसेच विविध उपक्रमांच्या माध्यमातून शिवबाची प्रेरणा अंगीकारणे सुरू असतांनाच शिवजन्मोत्सव समितीने यंदाच्या गुरुवार १९ फेब्रुवारी रोजी होणाऱ्या शिवजन्मोत्सव सोहळ्याच्या पूर्वसंध्येला म्हणजेच बुधवार १८ फेब्रुवारी रोजी गावातील ग्रामस्थांसाठी समितीच्या वतीने भव्य अपघात विमा व बँक खाते नोंदणी शिबिराचे आयोजन करण्यात आले आहे.

शिबिरात “कोंढाळावासीयांना २ लाखांचे सुरक्षा कवच” असे ब्रीद मनी बाळगून कोंढाळा गावातील प्रत्येक नागरिकाला आणि विद्यार्थ्याला आर्थिक सुरक्षा मिळावी, या उदात्त हेतूने शिवजन्मोत्सव समितीच्या वतीने भव्य अपघात विमा व बँक खाते नोंदणी शिबिराचे आयोजन करण्यात आले आहे.सदर शिबिर हे येत्या,बुधवार१८ फेब्रुवारी रोजी सकाळी ८ वाजेपासून ते दुपारी २ वाजेपर्यंत श्री दत्त मंदिर परिसराच्या आवारात करण्यात आले आहे.यात २ लाख रुपयांचा अपघात विमा कवच, ज्यांचे पोस्टात खाते नाहीत,अश्यांचे खाते तात्काळ उघडून दिले जाईल.१० वर्षावरील आणि १० वर्षाखालील विद्यार्थ्यांसाठी विशेष खाते सुविधा.यासाठी लागणारी आवश्यक कागदपत्रे नागरिकांसाठी अपघात विम्यासाठी आधार कार्ड झेरॉक्स,दोन फोटो,पॅनकार्ड (नसल्यास ६ महिन्यात देणे),जॉब कार्ड झेरॉक्स इत्यादी.तसेच १० वर्षांवरील विद्यार्थ्यांसाठी स्वतःचे आधार कार्ड,पालकांचे आधार कार्ड व मोबाईल नंबर,तर १० वर्षाखालील यांचेसाठी आधार कार्ड झेरॉक्स, जन्मदाखला/टीसी झेरॉक्स,दोन फोटो,बोनाफाईड, पालकांचे आधार कार्ड व पॅनकार्ड.विमा सुविधेसाठी पोस्टाचे खाते असणे अनिवार्य आहे.ज्यांचे खाते नाही, अश्यांना शिबिराच्या ठिकाणीच नवीन खाते उघडून देण्याची व्यवस्था करण्यात आली आहे. “आपली सुरक्षा,आमचा ध्यास.! कोंढाळावासीय जनतेनी या सुवर्णसंधीचा लाभ घ्यावा.” असे आवाहन शिवजन्मोत्सव समिती कोंढाळाच्या वतीने करण्यात आले आहे.

याबाबत अधिक माहितीकरिता सूरज झिलपे यांच्याशी संपर्क साधावा.

संपर्क क्रमांक– 93707 88209