कोंढाळा येथे भाजपा तालुका कार्यकारणीची बैठक संपन्न.. – जनकल्याणकारी योजना सर्वसामान्यांपर्यंत पोहोचवण्याचा निर्धार..

कोंढाळा(गडचिरोली):-देसाईगंज तालुक्याच्या कोंढाळा येथे भारतीय जनता पक्षाची महत्त्वपूर्ण तालुका कार्यकारणी बैठक काल रविवारी मोठ्या उत्साहात पार पडली.या बैठकीत आगामी काळातील पक्ष संघटन मजबूत करणे आणि केंद्र व राज्य सरकारच्या जनकल्याणकारी योजना सर्वसामान्यांपर्यंत पोहोचवण्याचा निर्धार करण्यात आला.बैठकीच्या अध्यक्षस्थानी माजी आमदार कृष्णा गजबे,तर कार्यक्रमाचे प्रमुख पाहुणे व मार्गदर्शक म्हणून भाजपचे जिल्हा सचिव राजू जेठाणी,सुनील पारधी भाजपा तालुका अध्यक्ष,भरत जोशी,गोपाल उके माजी सभापती, मोहन गायकवाड माजी उपसभापती देसाईगंज,महादेव पारधी माजी सरपंच मोहटोला,मारोती दोनाडकर,योगेश नाकतोडे,वसंता दोनाडकर, खरकाटे माजी पोलिस पाटील,मारोती दोनाडकर, केवळराम झोडे बोळधा,शंकर पारधी भाजपा ओबीसी तालुका अध्यक्ष,अनिल मुलकलवार तालुका उपाध्यक्ष आदी उपस्थित होते.

बैठकीला संबोधित करतांना माजी आमदार कृष्णा गजबे म्हणाले की, ” मुख्यमंत्री देवेंद्रजी फडणवीस यांच्या नेतृत्वाखाली आपल्या राज्याने प्रगतीची नवी शिखरे गाठली आहेत.पक्षाच्या प्रत्येक कार्यकर्त्याने ‘बुथ तिथे शक्ती’ हा मंत्र घेऊन तळागाळातील लोकांपर्यंत पोहोचले पाहिजे.प्रत्येक बुथ सक्षम करणे हेच आपले प्रमुख ध्येय आहे.”

यावेळी देसाईगंज कार्यकारणी बैठकीत माजी सभापती गोपाल उके यांची निवड आदिवासी विकास महामंडळ नाशिकच्या संचालकपद झाल्याबद्दल भाजपा तालुका कार्यकारणीच्या वतीने त्यांचा सत्कार करण्यात आला.तर राजकीय ठराव आणि आगामी कार्यक्रमांची रूपरेषा ठरवण्यात आली.बैठकीत महिला आघाडी,युवा मोर्चा आणि विविध आघाड्यांच्या पदाधिकाऱ्यांनी आपल्या कामाचा आढावा सादर केला.त्याचबरोबर कार्यकर्त्यांमध्ये आगामी निवडणुकांबाबत चर्चा करण्यात आली. याप्रसंगी मोठ्या संख्येने शक्तीकेंद्र प्रमुख व कार्यकर्ते उपस्थित होते.कार्यक्रमाचे प्रास्ताविक देसाईगंज भाजपा तालुका अध्यक्ष सुनील पारधी यांनी केले तर  सूत्रसंचालन रोशन ठाकरे व उपस्थित सर्व पदाधिकारी,मान्यवरांचे आभार योगेश नाकतोडे  यांनी मानले.