कोंढाळा येथे क्रांतीसुर्य महात्मा ज्योतिबा फुले व भारतरत्न डॉ.बाबासाहेब आंबेडकर “जयंती महोत्सव”.. – उद्याला सुप्रसिद्ध गायिका अंजली भारती यांचा समाज प्रबोधनपर कार्यक्रम..

कोंढाळा(गडचिरोली):-क्रांतीसुर्य महात्मा ज्योतिबा फुले व भारतीय संविधानाचे शिल्पकार भारतरत्न डॉ.बाबासाहेब आंबेडकर यांच्या जयंती दिनाचे औचित्य साधून देसाईगंज तालुक्याच्या कोंढाळा येथे उद्या,शनिवार ११ एप्रिलपासून ते मंगळवार १४ एप्रिल पर्यंत “जयंती महोत्सव” साजरा करण्यात येत आहे.त्या निमित्ताने आम्रपाली बौद्ध महिला मंडळ,प्रशिक क्रीडा मंडळ तथा युवा मंच तसेच समता सैनिक दल कोंढाळा यांच्या संयुक्त विद्यमाने उद्या, शनिवारला सकाळी ९ वाजता राहुल बौद्ध विहारात बौद्ध अनुयायांच्या उपस्थितीत बुध्दवंदना, सकाळी १० वाजता भिमज्योत प्रारंभ व रात्री ७ वाजेच्या सुमारास मनोजकुमार रामटेके यांच्या भव्य आवारात महाराष्ट्राची सुप्रसिद्ध गायिका अंजली भारती यांचा समाज प्रबोधनपर कार्यक्रम आयोजित करण्यात आला आहे.त्यानंतर,दुसऱ्या दिवशी म्हणजेच रविवार,१२ एप्रिल रोजी सकाळी ९ वाजता बुध्दवंदना, सकाळी १० वाजता समता सैनिक दल यांचे पथ संचलन,दुपारी २ ते ३ वाजता संगीत खुर्ची,वकृत्व स्पर्धा,महिलांसाठी फुगे फोड स्पर्धा,सोमवार १३ एप्रिल रोजी सकाळी बुध्दवंदना व रात्री ९ वाजता भिमस्फूर्ती गायन मंडळ यांचा भजनाचा कार्यक्रम,तर मंगळवार १४ एप्रिल रोजी सकाळी ९ वाजता बुध्दवंदना,सकाळी १० वाजता ध्वजारोहन कार्यक्रम, सायंकाळी ४ ते ८ वाजता धम्मज्योत मिरवणुक व भोजनदान व रात्रौ ११ वाजता सांस्कृतिक कार्यक्रम,अशी कार्यक्रमांची रेलचेल असणार आहे.