कोंढाळा येथील प्रतिष्ठित ज्येष्ठ नागरिक महादेव दोनाडकर यांचे दिर्घ आजाराने निधन..

कोंढाळा(गडचिरोली):-देसाईगंज तालुक्याच्या कोंढाळा येथील प्रतिष्ठित ज्येष्ठ नागरिक महादेव दोनाडकर वय ५७ वर्षे यांचे काल,मंगळवारी १० डिसेंबरला ब्रम्हपुरीच्या खाजगी रुग्णालयात दुपारी ३ वाजेच्या सुमारास उपचारा दरम्यान दिर्घ आजाराने निधन झाले.

मृदभाषी,शांत,संयमी,लोकांना आपलेसे करणे,असा त्यांचा मूळ स्वभाव.कोंढाळा गावातील मुख्य चौकात दोनाडकर यांचे हॉटेल तसेच भांडे विक्रीचा व्यवसाय आहे.दोनाडकर यांना लहानपापासूनच व्यवसायाची आवड होती.त्यामुळे त्यांनी स्वतःला व्यवसायात झोकून दिले होते.अशातच त्यांना मधुमेह आजाराने ग्रासले.आजारपणातही ते काहीकाळ दुकानात घालवायचे.गावातील नागरिक सांगतात की,शेवटपर्यंत त्यांनी कुणाशीही तंटे वा भांडण केलेले नाही.महादेव दोनाडकर यांना मधुमेह (शुगर)आजाराने ग्रासाल्याने त्यांच्यावर बऱ्याच दिवसांपासून ब्रम्हपुरी येथील खाजगी रुग्णालयात उपचार सुरू होते.अशातच काल मंगळवारी त्यांची प्रकृती खालावली व दुपारच्या सुमारास वयाच्या ५७ व्या वर्षी त्यांची प्राणज्योत मावळली.त्यांच्या पश्चात पत्नी,नातवंडं,भाऊ व बराच मोठा आप्त परिवार आहे.

आज,बुधवारी ११ डिसेंबरला सकाळच्या सुमारास महादेव दोनाडकर यांच्या अंत्यविधीचा कार्यक्रम पार पाडण्यात येणार आहे.