उद्रेक न्युज वृत्त
कुरखेडा(गडचिरोली) :-तक्रारदारास आदिवासी ते आदिवासीला जमीन विक्री करण्याच्या परवानगीचे आदेश तयार करून दिल्याचा मोबदला म्हणून उपविभागीय अधिकारी कार्यालय कुरखेडा येथील अव्वल कारकून आरोपी नागसेन वैद्य याने १५ हजार रुपयांच्या लाचेची मागणी
केली.मात्र तक्रारदाराला लाच देण्याची इच्छा नसल्याने त्यांनी याबाबत लाचलुचपत प्रतिबंधक विभागाकडे तक्रार दिली.एसीबीच्या पथकाने तक्रारीची शहानिशा करून सापळा रचला.दरम्यान, आरोपी नागसेन वैद्य वय ४६ वर्षे यास तडजोडीअंती तक्रारदाराकडून १३ हजारांची लाच स्वीकारताना उपविभागीय कार्यालय कुरखेडा येथील त्याच्याच कक्षात एसीबीने रंगेहाथ पकडले.दरम्यान, अटक करण्यात आलेल्या आरोपीस मंगळवारला न्यायालयात हजर केले असता, न्यायालयाने तीन दिवसांचा पीसीआर सुनावला आहे.त्याच्याविरुद्ध कुरखेडा पोलीस ठाण्यात गुन्हा दाखल करण्यात आला.सदर कारवाई पोलिस अधीक्षक राहुल माकणीकर यांच्या मार्गदर्शनात पोनि श्रीधर भोसले, पोहवा शंकर डांगे, राजेश पद्मगिरीवार,पोअं संदीप उडान,संदीप घोरमोडे,चापोना प्रफुल डोर्लीकर यांनी केली.
