उद्रेक न्युज वृत्त
उत्तर प्रदेश :- राज्याच्या प्रयागराजमध्ये एक धक्कादायक घटना समोर आली आहे.धावत्या बसमध्ये एका तरुणाने बस कंडक्टरवर चॉपरने हल्ला केला आणि त्यानंतर बसमधून खाली उतरून पसार झाला.जखमी बस कंडक्टरला प्रयागराजच्या एसआरएन रुग्णालयात दाखल करण्यात आले असून त्याच्यावर उपचार सुरू आहेत.दरम्यान, हा हल्ला करणारा आरोपी इंजिनीअरिंगचा विद्याथ्यर्थी असून या आरोपीने हल्ल्यानंतर सोशल मीडियावर एक व्हिडिओही जारी केला आहे. मिळालेल्या माहितीनुसार, या व्हिडिओमध्ये आरोपीने कंडक्टरवर झालेल्या हल्ल्याचे कारण सांगितले आहे.या सर्व पार्श्वभूमीवर पोलिसांनी आरोपी तरुणाला अटक केली.घटनेत वापरलेले हत्यार जप्त करण्यासाठी गेले असता आरोपीने पोलिसांवर गोळीबारही केला. प्रत्युत्तरादाखल पोलिसांनीही गोळीबार केला असता आरोपीच्या पायाला गोळी लागली.
प्रयागराज सिव्हील लाइन्सहून करछना जाण्याऱ्या इलेक्ट्रीक बसमध्ये प्रवास करत असलेल्या इंजिनीअरिंगचा विद्यार्थी लारेब हाशमी आणि बस कंडक्टर हरिकेश विश्वकर्मा यांच्यात बसच्या तिकीटावरून वाद झाला होता. वाद इतका वाढला की आरोपीने कंडक्टवर चॉपरने हल्ला केला, या हल्ल्यात बस कंडक्टरच्या मानेवर आणि हातावर गंभीर जखमा झाल्या आहेत. बसमध्ये सगळीकडे रक्ताचा सडा पडला. प्राथमिक तपासात समोर आलेल्या माहितीनुसार या घटनेला कंडक्टरसोबतचा वाद कारणीभूत असल्याते बोलले जात होते.
