आरमोरी विधानसभा मदारसंघात रामदास मसराम यांचे जोरदार शक्तिप्रदर्शन करीत उमेदवारी अर्ज दाखल… – पाच हजारांच्यावर कार्यकर्त्यांचा सहभाग..

देसाईगंज(गडचिरोली):-आरमोरी विधानसभा मतदारसंघाचे काँग्रेस महाविकास आघाडीचे उमेदवार रामदास मळूजी मसराम यांनी आज,मंगळवारी जोरदार शक्तिप्रदर्शन करीत महारॅली काढून आपला उमेदवारी अर्ज दाखल केला.यावेळी ते स्वतः बैलबंडीतून आले,हे विशेष.पाच हजारांच्यावर कार्यकर्त्यांनी जुने एचपी गॅस एजन्सी कुरखेडा मार्गे,देसाईगंज या ठिकाणी एकत्र येत ‘मौसम बदलणे वाला है..मसराम आणे वाले है..!’ नारे लावीत एकत्र गोळा झाले.राज्याचे विरोधी पक्षनेते विजय वडेट्टीवार यांनी प्रमुख उपस्थिती दर्शवित सभेप्रसंगी आपल्या संभाषणातून भाजप सरकारवर जोरदार हल्ला चढवला.त्यानंतर ढोल-ताशांच्या गजरात,बैलबंडीवर मिरवणूक काढण्यात आली.सुरू झालेल्या महारॅलीत महाविकास आघाडीचे पदाधिकारी,नेते आणि कार्यकर्ते सहभागी झाले होते.यात महिला-पुरुषांची संख्या लक्षणीय होती.मात्र,त्यात रोजीच्या एकाही व्यक्तीने सहभाग नोंदविला नव्हता; हेही विशेष.

जुने एचपी गॅस एजन्सी देसाईगंज ते उपविभागीय अधिकारी कार्यालयापर्यंत ही महारॅली काढून मसराम यांनी जोरदार शक्तिप्रदर्शन केले.’मसराम सर तुम आगे बढो,हम तुम्हारे साथ है’, ‘असा कसा येत नाही आल्याशिवाय राहत नाही’, ‘साधा माणूस,बनणार सर्वसामान्यांचा नेता’ असे नारे देत देसाईगंज परिसर दणाणून सोडले होते.महिला,ज्येष्ठ नागरिकही या महामिरवणुकीत झेंडे,टोपी,काँग्रेसचे उपरणे घालून सहभागी झाले होते.विशेष म्हणजे,आज निसर्गाने साथ देत खरोखरच मौसम म्हणजेच वातावरणातही बदल घडवून आणला होता.