आरमोरीच्या तरुणाने विष प्राशन करून केला आत्महत्येचा प्रयत्न.. – दंडाच्या रकमेतून शिक्षक आणि कर्मचारी पार्टी करतात; विद्यार्थ्याचा आरोप..

अनिकेतच्या म्हणण्यानुसार,महाविद्यालयात गरीब आणि शेतकरी कुटुंबातील होतकरू विद्यार्थी शिक्षणासाठी प्रवेश घेतात,पण येथील शिक्षक आणि व्यवस्थापन छळ करून त्यांचे मानसिक खच्चीकरण करण्याचे काम करीत असल्याचा गंभीर आरोप अनिकेत याने केला आहे. महाविद्यालयातील शिक्षक,कर्मचारी तुषार भांडारकर, पवन बुधबावरे आणि महाविद्यालय व्यवस्थापनाकडून अनेक दिवसांपासून मानसिक त्रास सुरू आहे.विरोध केल्यास अनुत्तीर्ण करण्याची धमकी देण्यात येते.दंडाच्या नावावर रक्कम वसूल करण्यात येत आहे.त्या पैशातून शिक्षक आणि कर्मचारी पार्टी करतात,असाही आरोप पीडित विद्यार्थ्याने केला आहे. त्यामुळे त्याने विषारी द्रव्य प्राशन करून आत्महत्येसारखे टोकाचे पाऊल उचलत आहे,असे म्हणून विषारी द्रव्य प्राशन केले.त्याला तात्काळ रुग्णालयात दाखल करण्यात आल्याने बचावला.सध्या त्याची प्रकृती धोक्याबाहेर असून, गडचिरोली जिल्हा सामान्य रुग्णालयात उपचार सुरू आहे.त्याची मानसिक स्थिती बघता,डॉक्टरांनी काल,रविवार ६ जुलै रोजी पोलिसांना बयाण घेण्यास सांगितले.त्यानुसार पोलीस काय ॲक्शन घेतात,याकडे सर्वांच्या नजरा लागल्या आहेत.