आनंदाची बातमी… मुख्यमंत्री माझी लाडकी बहीण योजनेच्या तिसऱ्या हप्त्याचे पैसे जमा होण्यास झाली सुरुवात.. – २६ सप्टेंबर रोजी ३८ लाख ९८ हजार ७०५ बहिणींना मिळाला लाभ…

उद्रेक न्युज वृत्त :-मुख्यमंत्री माझी लाडकी बहीण योजनेतील लाभार्थी महिलांच्या बँक खात्यात तिसऱ्या हप्त्याचे पैसे जमा होण्यास सुरुवात झाली आहे.२९ सप्टेंबरपासून तिसऱ्या टप्प्यातील पैसे महिलांना मिळतील अशी माहिती राज्य सरकारने दिली होती.त्यानुसार आता महिलांच्या बँक खात्यात पैसे जमा केले जात आहेत.याबाबत महिला आणि बालकल्याण विभागाच्या मंत्री आदिती तटकरे यांनी अधिकृतपणे माहिती दिली आहे.

आदिती तटकरे यांनी आपल्या एक्स खात्यावर तिसऱ्या टप्प्याबाबत सविस्तर माहिती दिली आहे. मुख्यमंत्री माझी लाडकी बहीण योजनेच्या लाभ हस्तांतरणाच्या तिसऱ्या टप्प्यास सुरुवात झाली असून दिनांक-२६ सप्टेंबर रोजी ३८ लाख ९८ हजार ७०५ बहिणींना ५८४.८ कोटी रुपयांचा लाभ हस्तांतरीत करण्यात आला आहे.उर्वरित बहिणींना लाभ हस्तांतरणाची प्रक्रिया युद्धपातळीवर सुरू आहे.सर्व पात्र महिलांना महिन्या अखेरपर्यंत लाभ मिळणार आहे.ज्या महिलांना आधी लाभ मिळाला होता; त्यांना तीसरा हप्ता आणि ज्यांना आधी तांत्रिक अडचणींमुळे लाभ मिळाला नव्हता,त्यांना यावेळेस तिन्ही हफ्ते एकत्र देण्यात आले आहेत; असे आदिती कटकरे यांनी म्हटले आहे.

ऑगस्ट महिन्यात पात्र महिलांच्या बँक खात्यात सरकारने एकदाच दोन महिन्यांचे ३ हजार रुपये पाठवले आहेत.मात्र,अर्जात त्रुटी असल्यामुळे अनेक महिलांना हे पैसे मिळालेले नाहीत.ज्या महिलांनी आपल्या अर्जातील त्रुटी दूर केलेली आहे; अशा महिलांना तीन हप्त्याचे एकूण ४५०० रुपये दिले जातील.तर १ सप्टेंबरपासून अर्ज केलेल्या महिलांना फक्त एकाच महिन्याचे म्हणजेच सप्टेंबर महिन्याचे १५०० रुपये मिळणार आहेत.