आता लाडकी बहीण योजनेतील ८ लाख महिलांना १५०० रुपयांऐवजी मिळणार केवळ ५०० रुपये..

उद्रेक न्युज वृत्त :-महाराष्ट्र राज्याच्या विधानसभा निवडणुकीत गेमचेंजर ठरलेल्या मुख्यमंत्री माझी लाडकी बहीण योजनेत आता बहिणींची झडती सुरू व्हायला लागल्याचे दिसून येत आहे.सुरुवातीला सरसकट महिलांना १५०० रुपये खात्यात जमा करण्यात आले व नंतर काही कालावधीतच लाखो लाडक्या बहिणी अपात्र ठरविण्यात आल्या.अशातच आता सरकारने पुन्हा एकदा योजनेत बदल केला आहे.आता लाडकी बहीण योजनेतील ८ लाख महिलांना १५०० रुपयांऐवजी केवळ ५०० रुपये मिळणार आहेत.तर १५०० रुपये केवळ अश्या महिलांना मिळणार आहेत,ज्या कुठल्याही योजनेचा लाभ घेत नाहीत.

“नमो किसान सन्मान निधी” चा लाभ घेणाऱ्या महिला शेतकऱ्यांना आता लाडकी बहीण योजनेअंतर्गत फक्त ५०० रुपये मिळतील.नमो किसान सन्मान योजनेअंतर्गत,राज्य सरकार ६ हजार रुपये आणि केंद्र सरकार ६ हजार रुपये देते.अशा प्रकारे एकूण १२ हजार वार्षिक,तर लाडकी बहीण योजनेअंतर्गत १८ हजार दिले जातात.त्यामुळे,किसान सन्मान निधी योजनेचा लाभ घेणाऱ्या लाभार्थ्यांना उर्वरित फक्त वार्षिक ६ हजार रुपये आणि दरमहा ५०० रुपये फरक म्हणून मिळतील.त्यामुळे अश्या महिला शेतकऱ्यांना आता केवळ ५०० रुपयांवरच समाधान मानावे लागणार आहे.