आता नागरिकांना ऑनलाईन पाहता येणार उमेदवारांची माहिती…-संकेतस्थळ व मोबाईल ॲप चा करा वापर- जिल्हाधिकारी,संजय दैने 

उद्रेक न्युज वृत्त 

गडचिरोली :- गडचिरोली-चिमुर लोकसभा मतदार संघात निवडणुकीसाठी उमेदवारांकडून दाखल करण्यात येणारे नामनिर्देशन पत्र व त्यासोबतचे शपथपत्र भारत निवडणुक आयोगाच्या https://affidavit.eci.gov.in या संकेतस्थळावर नियमितपणे अपलोड करण्यात येत आहे.यामुळे नागरिकांना उमेदवारांची माहिती सहजपणे जाणून घेता येणार आहे.यासोबतच ‘नो युवर कॅन्डीडेट’ (Know Your Candidate-KYC) या ॲपच्या माध्यमातूनही उमेदवारांची माहिती व गुन्हेगारी पूर्ववृत्तबात माहिती जाणून घेता येणार आहे.हे ॲप अड्रॉईड व आयओएस दोन्ही प्लॅटफॉर्मसाठी प्लेस्टोअरवर उपलब्ध आहे.

नागरिकांनी या संकेतस्थळावरून व मोबाईल ॲप द्वारे उमेदवारांनी सादर केलेली माहिती जाणून घ्यावी; असे आवाहन जिल्हा निवडणूक अधिकारी संजय दैने  यांनी केले आहे.