उद्रेक न्युज वृत्त
कुरखेडा(गडचिरोली) :- नवीन वर्ष,नवे संकल्प करीत कुरखेडा तालुक्याच्या चारभट्टी ग्रामपंचायतीतील आयोजित ग्रामसभेत अवैध दारूबंदीचा निर्णय सर्वानुमते घेण्यात आला आहे.दारू विक्रीमुळे गावाच्या विकासात बाधा येत असून युवां पिढी व्यसनाधीन होते.अनेकजण नशेच्या आहारी जाऊन कित्तेक जणांची संसारे उघड्यावर पडलेली आहेत.त्यामुळे अवैध दारूविक्रीच्या मुद्द्यावर चर्चा करून दारूबंदीचा निर्णय घेण्यात आला. निर्णयाचे उल्लंघन करून दारू विक्री करताना आढळून आल्यास संबंधितावर दंडात्मक कारवाई व शासकीय कागद पत्रांपासून वंचित ठेवण्यात येणार; अशी तंबी देण्यात आली.दारु विक्रेत्यांना तंबी देत अवैध दारु विक्री केल्यास २५ हजारांचा दंड आकारण्यात येणार असल्याचाही निर्णय ग्रामसभेत घेण्यात आला.यावेळी तंटामुक्ती समितीच्या अध्यक्षांसह सर्व पदाधिकारी,शाळेचे मुख्याध्यापक, ग्रामसेवक आंबोने तसेच ग्रामस्थ उपस्थित होते.
