संपादक/सत्यवान रामटेके
उद्रेक न्युज वृत्त :- सध्याच्या घडीला सगळीकडेच महसूल विभागाच्या गौण खनिजांची चोरी मोठ्या प्रमाणावर केली जात आहे.गौण खनिजांची चोरी करणारे चोरटे नवनवीन फंडे वापरून आणखी जोमाने व ताकतीने तस्करी करतांना दिसून येतात.मात्र अशातच महसूल विभागातील अधिकारी व कर्मचारी वर्गही तस्करांपेक्षा काही कमी नसल्याचा प्रकार हल्ली निदर्शनास आला आहे.एका महसूल विभागातील अधिकारी व कर्मचाऱ्यांनी शक्कल लढवून ‘असे-कसे सापडत नाही..! पकडल्या शिवाय राहणार नाही’….! असे ठरवून चक्क शासनाच्या गौण खनिजांची तस्करी करणाऱ्यांना पकडण्यासाठी ऑटोरिक्षाच भाड्याने घेऊन तस्करांच्या मागे धावू लागले; मात्र चोरटे हातात लागले नसल्याने भाड्याने केलेल्या रिक्षाचा प्रयत्न असफल ठरला आहे.
काही दिवसांपूर्वी गौण खनिजांची तस्करी मोठ्या प्रमाणावर केली जात असल्याचे वृत्त दैनिक वृत्तपत्र, सोशल मीडिया,वेब न्युज पोर्टल व इतर ठिकाणी प्रकाशित होऊ लागले होते.त्यानुसार वरिष्ठांकडून एका महसूल विभागास ताकीद देऊन तस्करांवर कारवाई करण्याचे फर्मान सोडण्यात आले होते. त्यानुसार कारवाई करण्याचा सपाटा सुरू करण्यात आला होता.महसूल प्रशासनातील अधिकारी व कर्मचारी वर्गांनाही कळलेले आहे की,गौण खनिजांची चोरी करणाऱ्या तस्करांना त्यांची दुचाकी वाहन, चारचाकी वाहन व इतर शासकीय वाहनांची नंबरप्लेट सर्वांनाच मूकपाठ झालेली आहेत.वाहनांचा रंग कोणता व कोणता अधिकारी कुठून निघाला वा कोणता कर्मचारी कुठे गेलाय; हे तस्करांसाठी नित्याचीच बाब झाली आहे.
त्यासाठी ‘आम्ही कुठून निघतो व कुठे जाणार’ हे चोरट्यांना कळू नये; याकरिता रात्रीच्या सुमारास अवैध गौण खनिजांची तस्करी पकडण्यासाठी चक्क ऑटोरिक्षाच भाड्याने घेऊन तस्करांचा पाठलाग करण्यात आला.मात्र सदर प्रकार तस्करांना लक्षात येताच; चोरट्यांनी जो पळ काढला तो वाहन थांबता-थांबेना..! ‘ऑटोरिक्षाची धाव अन् देवामले पाव’ असे असल्याने ‘उलटी गंगा मार्कंड्या’ ची झाली असल्याची चर्चा जनमानसात सुरू आहे.
