अखेर शासकीय धान खरेदीला मुदतवाढ.. – ‘या’ तारखेपर्यंत करता येणार धान विक्री..

गडचिरोली :-शेतकऱ्यांना हमीभावापेक्षा कमी दर मिळू नये,यासाठी शासनाने आदिवासी विकास महामंडळ आणि जिल्हा मार्केटिंग फेडरेशनअंतर्गत शासकीय धान खरेदी केंद्रावरून धान खरेदी करते. शासकीय धान खरेदी केंद्रावर धानाची विक्री करण्यासाठी शेतकऱ्यांना शासनाच्या ऑनलाइन पोर्टलवर नोंदणी करणे अनिवार्य केले होते.पोर्टलवर नोंदणी करण्यासाठी शासनाने सुरुवातीला १५ जानेवारीपर्यंत मुदत दिली होती.त्यानंतर धान खरेदीची मुदत ३१ जानेवारीला दिली.धान खरेदीची मुदत आज संपत आहे.अशातच बरेच शेतकरी धान विक्रीपासून वंचित असल्याने शासनाने काल,गुरुवारी धान खरेदीला ३१ मार्चपर्यंत मुदतवाढ दिल्याने शेतकऱ्यांना दिलासा मिळाला आहे.शासनाकडून शेतकऱ्यांना शासकीय खरेदी केंद्रात धान विक्री केल्यास बोनस मिळत असल्याने नोंदणीचे प्रमाण वाढल्याचे दिसून येत आहे.