अखेर वैद्यकीय सेवेचे कौतुक झालेले डॉक्टर निलंबित..

गडचिरोली :-पैश्याच्या लालचेने डॉ.संभाजी

भोकरे याने सर्वकाही मिळवलेली प्राण प्रतिष्ठा गमावून बसली आहे.मागील वर्षाच्या जुलै महिन्यात वैद्यकीय सेवेचे कौतुक झालेले डॉ.भोकरे याला निलंबित करण्यात आले आहे.भोकरे याने लाच स्वीकारली अन् अलगदच एसीबीच्या सापळ्यात अडकला.भामरागड तालुक्याच्या लाहेरी प्राथमिक आरोग्य केंद्रातील एका आरोग्य सहाय्यकाचे फेब्रुवारी २०२४ ते सप्टेंबर २०२४ व नोव्हेंबर महिन्यातील १४ दिवसांचे थकीत पगाराचे पुरवणी बिल मंजूर करण्याकरीता कार्यालयीन प्रमुख म्हणून डॉ.संभाजी भोकरे याचे ना हरकत प्रमाणपत्र आवश्यक होते.प्रमाणपत्रासाठी डॉ.भोकरे याने २ मार्च २०२५ रोजी १ लाख ५० हजार रुपयांची मागणी केली.तडजोडीअंती १ लाख ३० हजार रुपये देण्याचे ठरले.मात्र,तक्रारदारास लाच देण्याची इच्छा नसल्याने त्यांनी याबाबत लाचलुचपत प्रतिबंधक विभाग गडचिरोली येथे तक्रार नोंदवली. त्यानुसार मंगळवारी २५ मार्चला एसीबीच्या पथकाने पडताळणी केली. तडजोडीअंती १ लाख ३० हजार रुपये बुधवार २६ मार्च रोजी डॉ.संभाजी भोकरे याने लाच स्वीकारताच लाच लुचपत प्रतिबंधक विभागाच्या पथकाने झडप घालून आरोपी वैद्यकीय अधिकारी डॉ.भोकरे याच्या विरूध्द पोलीस स्टेशन गडचिरोली येथे गुन्हा दाखल करून अटक केली होती.त्यानुसार डॉ.भोकरे यांस नुकतेच जिल्हा परिषदेने तडकाफडकी निलंबित केले आहे.भोकरे यास गडचिरोली जिल्हा न्यायालयात हजर केले असता न्यालयाने त्याला एक दिवसाची पोलिस कोठडी सुनावली.