उद्रेक न्युज वृत्त
कोरची(गडचिरोली) :- रोजगाराच्या शोधात छत्तीसगडवरून कोरची तालुक्यातील बोरी येथे एबीस पोल्ट्री कंपनीमध्ये काम करणाऱ्या कामगाराचा,काम करीत असतांना विजेच्या धक्क्याने मृत्यू झाला होता. प्रशांत चोपडे वय २५ वर्षे,रा.बंजारी,छत्तीसगड असे मृत्यू झालेल्या कामगाराचे नाव आहे.सदरची घटना २७ जूनला सायंकाळी घडली होती.घटने बाबत आदिवासी काँग्रेसचे महाराष्ट्र प्रदेश सचिव छगन शेडमाके यांना माहिती मिळताच लगेच त्यांनी घटनास्थळी धाव घेतली.घरातील कर्ता तरुण मृत्युमुखी पडल्याने कुटुंबियांवर मोठा आघात झाला होता.घटनेनंतर छगन शेडमाके यांनी कंपनी व्यवस्थापनास जाब विचारला व कंपनीवर मनुष्य वधाचा गुन्हा दाखल करून २५ लाख रुपयांची भरपाई कंपनी प्रशासनाने कुटुंबीयांना द्यावी; अन्यथा आंदोलन छेडण्याचा इशारा दिला होता.याची दखल घेत कंपनी व्यवस्थापनाने अवघ्या एका आठवड्यातच २५ लाख रुपयांचे अर्थसहाय्य कामगाराच्या कुटुंबीयांना दिले असल्याने शेडमाके यांच्या प्रयत्नांना यश आले आहे.अशातच मृत प्रशांतच्या आई पुस्तकला चोपडे यांना दरमहा साडेचार हजार रुपये अर्थसहाय्य केले जाईल,असे आश्वासनही कंपनी प्रशासनाकडून देण्यात आले आहे.दुर्दैवाने घरातील कर्ता तरुण गमावलेल्या कुटुंबीयांना आधार झाल्याने कुटुंबीयांनी शेडमाके यांचे आभार मानले आहे.
