विश्वास कुणावर ठेवायचा? २५ लाखांची मागणी करणारा जवळचा मित्रच निघाला खंडणीखोर…

नागपूर :-एका व्यक्तीने मुलगी शोधता-शोधता व्हॉट्सॲप कॉल केला आणि मुलीने सांगितल्याप्रमाणे केले.त्यानंतर सुरू झाली खरी कहाणी.खंडणी सोबतच ब्लॅकमेल करणारा जवळचा मित्र अन् मुलीचा नातेवाईक निघाला असल्याची घटना उघडकीस आली आहे.

प्रकरण असे की,एक व्यक्ती सायबर गुन्हेगारांच्या सेक्सटॉर्शनच्या जाळ्यात फसला व त्यानंतर त्याच्या मित्रानेच व्हिडीओ व्हायरल करण्याची धमकी देत २५ लाखांची खंडणी उकळण्याचा प्रयत्न केला आहे.पोलिसांच्या तपासातून आरोपी हा पीडित व्यक्तीचा मित्रच असल्याची बाब समोर आली आहे.सदरची घटना नागपुरातील अजनी पोलिस ठाण्याच्या हद्दीत घडली.संबंधित व्यक्ती लग्नासाठी मुलगी शोधत होता व त्याने मॅट्रीमॉनिअल साईटवर नोंदणी केली होती.तेथून त्याला मार्च २०२२ मध्ये ‘सनम’ नावाच्या मुलीचा फोन आला.तिने लग्न करण्याची इच्छा प्रदर्शित केली व त्याला विश्वासात घेतले.त्यानंतर तिने त्याला व्हिडीओ कॉल करायला लावला व स्वतः कपडे काढत त्यालादेखील कपडे काढायला लावले.या प्रकाराचा व्हिडीओ तयार करत तिने त्याला व्हॉट्सॲपवर पाठविला व खंडणीची मागणी केली.पीडित व्यक्तीने सायबर पोलिस ठाणे गाठले व त्यांच्या सूचनेनुसार व्हॉट्सॲप क्रमांक ब्लॉक केला.त्यानंतर कुठलाही फोन किंवा मेसेज आला नव्हता.मात्र,सप्टेंबर महिन्यात एका क्रमांकावरून व्हिडीओ मिस कॉल आला व त्यावर ‘सनम’चे नाव लिहिले होते.त्याने फोन करत विचारणा केली असता समोरील व्यक्तीने तोच आक्षेपार्ह व्हिडीओ पाठविला.या प्रकाराची माहिती पीडित व्यक्तीने अनिरुद्ध मोतीराम डहाके वय ३९ वर्षे, इमामवाडा नावाच्या मित्राला दिली.अनिरुद्धने फोन हॅक झाला असण्याची शक्यता व्यक्त करत फोन तीन तासांसाठी स्वत:जवळ ठेवला.त्यानंतर पीडित व्यक्तीने परत व्हॉट्सॲप अनइन्स्टॉल केले होते.मात्र, अनिरुद्धच्या मोबाइलवर त्याने व्हॉट्सॲप सुरू केले. समोरील व्यक्ती २५ लाखांची मागणी करत असल्याचे अनिरुद्धने त्याला सांगितले.