उद्रेक न्युज वृत्त
नवी दिल्ली :- भारत जोडो यात्रेदरम्यान सतत प्रसिद्धीच्या झोतात असलेले काँग्रेसचे नेते राहुल गांधी यांच्या लग्नाचा विषयही अनेकदा चर्चेला येतो.आता पुन्हा एकदा त्यांनी आपल्या लग्नाविषयी मत व्यक्त केले आहे.जर मला एखादी बुद्धिमान मुलगी मिळाली, तर मी लग्न करेन, असे राहुल गांधी यांनी म्हटले आहे. मी लग्न करण्यास तयार आहे असे सांगत त्यांनी मुलीच्या बुद्धिमत्तेवर विशेष जोर दिला. माझ्या आई-वडिलांचे लग्न उत्तमरित्या झाले. म्हणूनच माझेही विवाहासंबंधीचे विचार अतिशय उच्च दर्जाचे आहेत. मलाही अशीच जीवनसाथी हवी असे राहुल गांधी म्हणाले.एका खासगी यूट्यूब चॅनेलला मुलाखत देताना त्यांनी आपल्या विवाहाविषयी सांगितले.मुलाखतीत त्यांनी आपले शाळा आणि महाविद्यालयातील अनुभव कथन केले.आपल्या आवडीनिवडी काय आहेत,या संदर्भात देखील त्यांनी मोकळेपणाने सांगितले.
