राज्याच्या इतिहासातील पहिलीच घटना..! येत्या शुक्रवारी राज्याचे मुख्य माहिती आयुक्त राहुल भा.पांडे गडचिरोलीत.. – माहिती अधिकार अर्जातील द्वितीय अपीलांवर होणार सुनावणी..

गडचिरोली :-राज्याच्या इतिहासात पहिल्यांदाच असा योगायोग आलेला म्हणावे लागेल की, ‘माहिती अधिकार कायदा २००५’ अंतर्गत द्वितीय अपिलांवर निर्णय घेण्याकरिता चक्क रज्याच्ये मुख्य माहिती आयुक्त गडचिरोलीत सुनावणी घेत आहेत.नाहीतर यापूर्वी नागपूर खंडपीठात जाऊन हजेरी लावावी लागत होती. माहितीच्या अधिकाराखाली दाखल करण्यात आलेल्या द्वितीय अपीलांवर निर्णय घेण्यासाठी राज्याचे मुख्य माहिती आयुक्त राहुल भा. पांडे यांची गडचिरोली जिल्ह्यात विशेष सुनावणी आयोजित करण्यात आली आहे.येत्या,शुक्रवार १ ऑगस्ट रोजी सकाळी १० वाजता गडचिरोली येथील जिल्हाधिकारी कार्यालयात ही सुनावणी पार पडणार आहे.

राज्य माहिती आयोगाच्या नागपूर खंडपीठामार्फत आयोजित करण्यात येणाऱ्या या सुनावणीत नागपूर खंडपीठाचे राज्य माहिती आयुक्त गजानन निमदेव हे देखील उपस्थित राहून जिल्ह्यातील विविध सार्वजनिक प्राधिकरणांशी संबंधित सुमारे शंभर द्वितीय अपील प्रकरणांवर सुनावणी घेणार आहेत.या सुनावणीदरम्यान प्रलंबित अपील प्रकरणांवर प्रभावी निर्णय घेत नागरिकांना माहिती अधिकाराच्या अंमलबजावणीत न्याय देण्याचा उद्देश आहे.त्यामुळे संबंधित द्वितीय अपीलकर्त्यांनी तसेच संबंधित सार्वजनिक प्राधिकरणांचे अधिकारी/प्रतिनिधींनी वेळेवर उपस्थित राहावे,असे आवाहन राज्य माहिती आयोगाच्या उपसचिव रोहिणी जाधव यांनी केले आहे.