मोठी बातमी; -दोन ट्रेन धडकल्या एकमेकांवर; १५ ठार तर १०० जखमी…

उद्रेक न्युज वृत्त :- बांगलादेशमध्ये मोठी दुर्घटना घडली आहे.दोन ट्रेनची धडक होऊन झालेल्या भीषण अपघातात १५ जण ठार झाले असून,१०० पेक्षा अधिक जखमी झाले आहेत.मृतांचा आकडा अजून वाढण्याची शक्यता आहे.राजधानी ढाकापासून ८० किमी दूर भैरब येथे प्रवासी ट्रेनने एका मालगाडीला धडक दिली.दोन्ही ट्रेन वेगवेगळ्या दिशेने धावत होत्या.धडकेनंतर दोन्ही ट्रेन रुळावरुन खाली घसरल्या.दुर्घटनेनंतर प्रवाशांची एकच आरडाओरड सुरु झाली होती. स्थानिक पोलीस अधिकारी सिराजूल इस्लाम यांनी मृतांचा आकडा आणखी वाढण्याची शक्यता वर्तवली आहे. घटनास्थळी बचावकार्य सुरु आहे.सरकारी अधिकाऱ्याने एफपीशी बोलताना दिलेल्या माहितीनुसार,आम्हाला १५ मृतदेह सापडले आहेत. अनेकजण जखमी असून आकडा वाढू शकतो. बचावकार्य सुरु असून यादरम्यान खाली दबलेले आणखी मृतदेह सापडू शकतात.यामुळे मृतांचा आकडा वाढण्याची शक्यता आहे.असे अधिकाऱ्याने म्हटले आहे. दुपारी ४ वाजण्याच्या सुमारास ही दुर्घटना घडली.ट्रेन एकाच ट्रॅकवर आल्याने ही दुर्घटना झाल्याचे दिसून येत आहे.बांगलादेशात ट्रेन अपघात होणं ही आता सामान्य बाब झाली आहे. खराब सिग्नल, बेजबाबदारपणा, जुने ट्रॅक आणि खराब पायाभूत सुविधा यामुळे या दुर्घटना होत असतात.