मोठी बातमी.. आज ९ महिला नक्षलवाद्यांसह १४ पुरुष नक्षलवाद्यांचे आत्मसमर्पण..

उद्रेक न्युज वृत्त :-छत्तीसगड राज्याच्या नक्षली संघटनेला आज,शनिवार १२ जुलै रोजी मोठा धक्का बसला आहे.तब्बल ९ महिला नक्षलवाद्यांसह १४ पुरुष नक्षलवाद्यांनी शस्त्रे खाली ठेवत अहिंसेचा मार्ग अवलंबून शासनाच्या मुख्य प्रवाहात येण्यासाठी आत्मसमर्पण केले आहे.आत्मसमर्पण केलेल्या ११ नक्षलवाद्यांवर प्रत्येकी ८ लाख रुपये,४ नक्षलवाद्यांवर प्रत्येकी ५ लाख रुपये,एका नक्षलवाद्यावर ३ लाख रुपये तर ७ नक्षलवाद्यांवर प्रत्येकी १ लाख रुपये असे एकूण १ कोटी १८ लाख रुपयांचे बक्षीस शासनाच्या वतीने जाहीर करण्यात आले होते.यातील ११ वरिष्ठ कॅडरचे नक्षलवादी असून,यापैकी बहुतांश नक्षली पीपल्स लिबरेशन गुरिल्ला आर्मी (PLGA)बटालियन क्रमांक-१ मध्ये कार्यरत होते.सदरची बटालियन नक्षलवाद चळवळीतील सर्वात शक्तिशाली आणि सक्रिय शाखा मानली जाते.या आत्मसमर्पणामुळे छत्तीसगडच्या सुकमा व बिजापूर जिल्ह्यांच्या सीमावर्ती भागातील नक्षलवाद संघटना सुकडा साफ होण्याच्या मार्गावर आल्या आहेत.तब्बल २३ नक्षलवाद्यांना आत्मसमर्पण सारख्या मुख्य प्रवाहात आणण्यासाठी जिल्हा दल,डीआरजी सुकमा,विशा सुकमा,रेंज फील्ड टीम (आरएफटी) सुकमा,जगदलपूर, सीआरपीएफ-२, २२३,२२७, २०४,१६५ बटालियन,कोब्रा बटालियन २०८ सह गुप्तचर शाखेच्या पथकाने महत्वाची भूमिका बजावली आहे.