बापरे..! घराबाहेर उभ्या असलेल्या चिमुकलीवर मोकाट कुत्रे तुटून पडली..

गोंदिया :-बऱ्याच ठिकाणच्या शहरात तसेच ग्रामीण भागात मोकाट कुत्र्यांची मोठी फौज पाहायला मिळते. काही मोकाट कुत्रे हल्ल्यांपासून चार हात दूरच असतात, तर बरीचशी कुत्रे ही हल्ला चढवून एखाद्याचा जीव घेतांना दिसून येतात.प्रकरणी काही शहरातील घटनांवर सर्वोच्च न्यायालयाने चिंता व्यक्त केली आहे.अश्यातच नुकतेच गोंदिया शहरात एका सात वर्षीय चिमुकलीवर चार ते पाच मोकाट कुत्र्यांनी अचानकपणे हल्ला चढवून तिला तीडण्याचा प्रयत्न केल्याची धक्कादायक घटना समोर आली आहे.सदरचा घडलेला संपूर्ण थरार परिसरातील सीसीटीव्ही कॅमेऱ्यात कैद झाला असून घरा शेजाऱ्याने वेळीच धाव घेतल्याने चिमुकलीचा जीव वाचला खरी,पण झालेल्या हल्ल्याने चिमुकली प्रचंड मानसिक दहशतीखाली गेली.सदरची घटना गोंदिया शहरातील प्रभाग क्रमांक चार मधील रिंग रोडवरील मजारच्या पाठीमागे सकाळी घडली.सात वर्षाची चिमुकली शाळेत जाण्यासाठी आपल्या घराबाहेर उभी होती.याचवेळी अचानकपणे एका गल्लीतून आलेल्या एका मोकाट कुत्र्याने तिच्यावर भूंकायला सुरुवात केली व हल्ला चढवला.दरम्यान,चार ते पाच कुत्रे एकत्र येत चिमुकलीवर तुटून पडले.कुत्र्यांनी अचानक केलेल्या या हल्ल्यामुळे चिमुकली प्रचंड घाबरली आणि तिने जिवाच्या आकांताने किंचाळायला सुरुवात केली.तिचा आवाज ऐकताच घरा शेजाऱ्यांनी कुत्र्यांना हाकलून लावत चिमुकलीची सुटका केली.शेजाऱ्याच्या तत्परतेने मोठी दुर्घटना टळली.मात्र,थोडाफार उशीर झाला असता, तर मुलीच्या जीवाला गंभीर धोका होण्याची शक्यता नाकारता आली नसती.हल्ल्यात सुदैवाने चिमुकली थोडक्यात बचावली असून घटनेनंतर मुलीला तातडीने एका खासगी रुग्णालयात दाखल करण्यात आले.सध्या तिच्यावर वैद्यकीय उपचार सुरु आहेत.

• व्हिडिओ👇